අද වන විට බොහෝ දෙනෙකුට මුදල්, හොඳ රැකියාවක්, සාර්ථක ව්‍යාපාරයක් හෝ උසස් අධ්‍යාපන සුදුසුකම් තිබුණත් සැබෑ සතුට, තෘප්තිය හෝ මානසික නිදහස අහිමිවෙලා කියන එක අපිට පේන්න තියෙනවා. Eckhart Tolle ලියූ The Power of Now කියන පොත මේ ගැටලුවට ප්‍රායෝගික විසඳුම් ලබා දෙමින්, සතුට, තෘප්තිය සහ මානසික නිදහස ළඟා කර ගැනීමට අපට මඟ පෙන්වනවා.
මේ පොතේ මූලිකම අදහස වෙන්නේ, ඔයාගේ සැබෑ සතුට ලැබෙන්නේ වර්තමාන මොහොතේ ජීවත් වීම තුළින් කියන එකයි. මේ දේ ඔයා තේරුම් ගත්ත දවසේ ඉඳලා ඔයාගේ ජීවිතය නොසිතූ විදියට වෙනස් වෙයි. ඔයාට අවශ්‍ය මානසික නිදහස ළඟා කරගන්න ඕන කරන උපදෙස් 03ක් ගැන අපි මේ ලිපියෙන් සලකා බලමු.
සාමාන්‍යයෙන් ‘මම’ කියන පුද්ගලයා කියන්නේ තමන්ගේම සිතුවිලි කියලයි අපි හිතන්නේ. නමුත් මේ පොතේ තරමක් මතභේදාත්මක දෙයක් සඳහන් වෙනවා. ඔයා කියන්නේ ඔයාගේ මනස හෝ සිතුවිලි නොවන බව තමයි මේ පොතේ සඳහන් වෙන්නේ. මනස කියන්නේ හුදෙක් මෙවලමක් පමණක් කියලා මෙහි කතුවරයා වන Eckhart Tolle සඳහන් කර තිබෙනවා.
ඔයාගේ සිතුවිලි ලෙස සිතට එන ඕනම දෙයක් පිළිගැනීමට පුරුදු වීමෙන්, ඔයා ඕනවට වඩා සිතීමට (overthinking), ආතතියට පත්වීමට, අනාගතය ගැන බිය වීමට විතරක් නෙමෙයි අතීතය ගැන අධික ලෙස කල්පනා කිරීම වැනි ගැටලුවලට මුහුණ දෙන්න හැකියාවක් තිබෙන බව මේ පොතේ සඳහන් වෙනවා. මෙහෙම හිතන්න, ඔයාගේ සිතුවිලි ඔයාට නවත්වන්න පුළුවන් ද? ඔයාගේ උත්තරය ‘බැහැ’ කියන එක නම් ඔයාගේ මනස තමයි ඔයාව පාලනය කරන්නේ.
මේ පොත ඒ ගැටලුව සඳහා යෝජනා කරන විසඳුම තමයි, ඔයාගේ සිතුවිලි විද්‍යාඥයෙකු වගේ කුතුහලයෙන් නිරීක්ෂණය කරන්න කියන එක. බැඳීමකින් තොරව ඔයාගේ සිතුවිලි දෙස බලන්න. විද්‍යාඥයෙකු කිසිම අවස්ථාවක පරීක්ෂණයක් ආරම්භ කිරීමට පෙර නිගමනවලට එළඹෙන්නේ නැහැ. ඒ වගේ ඔයාගේ සිතුවිලි නිරීක්ෂණය කළොත් ඒ සිතුවිලිවලින් ඔයාට වෙන බලපෑම අඩු කර ගන්න පුළුවන්.
මේ විදියට ඔයාගේ සිතුවිලි ගැන නිරන්තර අවධානයෙන් සිටීම පුහුණු කරන්න. ඒක ඔයාට සිතුවිලි හොඳින් හසුරවාගන්නත්, මනසට ඔයාව පාලනය කරන්න
අද වන විට බොහෝ දෙනෙකුට මුදල්, හොඳ රැකියාවක්, සාර්ථක ව්‍යාපාරයක් හෝ උසස් අධ්‍යාපන සුදුසුකම් තිබුණත් සැබෑ සතුට, තෘප්තිය හෝ මානසික නිදහස අහිමිවෙලා කියන එක අපිට පේන්න තියෙනවා. Eckhart Tolle ලියූ The Power of Now කියන පොත මේ ගැටලුවට ප්‍රායෝගික විසඳුම් ලබා දෙමින්, සතුට, තෘප්තිය සහ මානසික නිදහස ළඟා කර ගැනීමට අපට මඟ පෙන්වනවා.
මේ පොතේ මූලිකම අදහස වෙන්නේ, ඔයාගේ සැබෑ සතුට ලැබෙන්නේ වර්තමාන මොහොතේ ජීවත් වීම තුළින් කියන එකයි. මේ දේ ඔයා තේරුම් ගත්ත දවසේ ඉඳලා ඔයාගේ ජීවිතය නොසිතූ විදියට වෙනස් වෙයි. ඔයාට අවශ්‍ය මානසික නිදහස ළඟා කරගන්න ඕන කරන උපදෙස් 03ක් ගැන අපි මේ ලිපියෙන් සලකා බලමු.
01. ඔබ යනු ඔබේ මනස හෝ සිතුවිලි නොවේ
සාමාන්‍යයෙන් ‘මම’ කියන පුද්ගලයා කියන්නේ තමන්ගේම සිතුවිලි කියලයි අපි හිතන්නේ. නමුත් මේ පොතේ තරමක් මතභේදාත්මක දෙයක් සඳහන් වෙනවා. ඔයා කියන්නේ ඔයාගේ මනස හෝ සිතුවිලි නොවන බව තමයි මේ පොතේ සඳහන් වෙන්නේ. මනස කියන්නේ හුදෙක් මෙවලමක් පමණක් කියලා මෙහි කතුවරයා වන Eckhart Tolle සඳහන් කර තිබෙනවා.
ඔයාගේ සිතුවිලි ලෙස සිතට එන ඕනම දෙයක් පිළිගැනීමට පුරුදු වීමෙන්, ඔයා ඕනවට වඩා සිතීමට (overthinking), ආතතියට පත්වීමට, අනාගතය ගැන බිය වීමට විතරක් නෙමෙයි අතීතය ගැන අධික ලෙස කල්පනා කිරීම වැනි ගැටලුවලට මුහුණ දෙන්න හැකියාවක් තිබෙන බව මේ පොතේ සඳහන් වෙනවා. මෙහෙම හිතන්න, ඔයාගේ සිතුවිලි ඔයාට නවත්වන්න පුළුවන් ද? ඔයාගේ උත්තරය ‘බැහැ’ කියන එක නම් ඔයාගේ මනස තමයි ඔයාව පාලනය කරන්නේ.
මේ පොත ඒ ගැටලුව සඳහා යෝජනා කරන විසඳුම තමයි, ඔයාගේ සිතුවිලි විද්‍යාඥයෙකු වගේ කුතුහලයෙන් නිරීක්ෂණය කරන්න කියන එක. බැඳීමකින් තොරව ඔයාගේ සිතුවිලි දෙස බලන්න. විද්‍යාඥයෙකු කිසිම අවස්ථාවක පරීක්ෂණයක් ආරම්භ කිරීමට පෙර නිගමනවලට එළඹෙන්නේ නැහැ. ඒ වගේ ඔයාගේ සිතුවිලි නිරීක්ෂණය කළොත් ඒ සිතුවිලිවලින් ඔයාට වෙන බලපෑම අඩු කර ගන්න පුළුවන්.
මේ විදියට ඔයාගේ සිතුවිලි ගැන නිරන්තර අවධානයෙන් සිටීම පුහුණු කරන්න. ඒක ඔයාට සිතුවිලි හොඳින් හසුරවාගන්නත්, මනසට ඔයාව පාලනය කරන්න තිබෙන ඉඩකඩ අවහිර කරන්නත් උපකාරී වෙනවා. මේ පුහුණුව අභියෝගාත්මක එකක් වුණත් සති කිහිපයක්, මාස කිහිපයක් යනකොට ඔයාට පැහැදිලි වෙනසක් දැනේවි.
02. ඔබට ඇත්තේ මේ මොහොත පමණයි
අපගේ මනසට ප්‍රධාන වශයෙන් අවශ්‍ය වන්නේ, අනාගතය ගැන හෝ අතීතය ගැන හිතන්න. නමුත් The Power of Now පොත අවධාරණය කරන්නේ, අපි සියලු දෙනා පවතින්නේ වර්තමාන මොහොතේ පමණක් බවයි.
අනාගතය තවමත් නොපවතින දෙයක් වන අතර එය අපේ මනසේ තිබෙන අදහසක් පමණයි. ඔයා අතීතය ගැන වද වෙමින් ජීවත් වෙනවා වෙන්න පුළුවන්. ඒත් ඇත්තටම අතීතය සිදු වී අවසන්. ඔයාට අතීතයෙන් ඉගෙන ගන්න අවශ්‍ය පාඩම් ඉගෙන ගෙන අනාගතය සැලසුම් කරන්න හැකියාව තියෙනවා. ඒත් 90%ක්ම ඔයා ජීවත් වෙන්න ඕන “මේ මොහොත” තුළ විතරයි.
ඔයා අතීතය හෝ අනාගතය ගැන අනවශ්‍ය විදියට හිතන්න ගන්නවා කියන්නේ සෘණාත්මක සිතුවිලිවලට වගේම තේරුමක් නැති දේවල්වලට ඔයාගේ මානසික නිදහස නැති කරන්න ඔයාම ඉඩ ලබා දෙනවා වගේ වැඩක්. ඒ නිසා පුළුවන් තරම් ඔයා මේ මොහොතේ කරන දෙයට පමණක් අවධානය යොමු කරමින් වර්තමානය තුළ ජීවත් වෙන්න උත්සහ කරන්න. එයින් ඔයාගේ මානසික නිදහස ලැබෙනවා වගේම ඔයාගේ මනසත් නිරවුල් වෙනවා.
03. වර්තමානය පිළිගන්න
බොහෝ වෙලාවට අපට වේදනා ඇති වෙන්නේ අපි මුහුණ දෙන සිදුවීම් නිසාම නෙමෙයි, ඒවාට අප දක්වන ප්‍රතිචාර නිසයි. වේදනාවක් ඇති වෙන්න ලොකුම හේතුව තමයි සැබෑ තත්ත්වය සහ ඔයා අපේක්ෂා කරන දේවල් අතර ඇති පරතරය.
ඔයා විභාගයකට මුහුණ දෙනවා හෝ රැකියාවක උසස් වීමක් බලාපොරොත්තුවෙන් ඉන්නවා කියලා හිතන්න. ඔයා විභාගයෙන් ඉහළම සාමාර්ථයක් ගන්න බලාපොරොත්තු වෙනවා. ඒත් ඔයාට ලැබෙන්නේ ඔයා බලාපොරොත්තු වුණාට වඩා අඩු සාමාර්ථයක්. මෙහෙම වුණාම වෙන්නේ ඔයාගේ බලාපොරොත්තුව ඉෂ්ට වුණේ නැහැ කියන වේදනාවෙන් ඔයා පීඩා විඳින එක. ඔයා සූදානම් නැහැ ලැබුණ ප්‍රතිඵලය පිළිගන්න. ඒ වගේම තමයි ඔයා රැකියාවක උසස් වීමක් බලාපොරොත්තුවෙන් ඉන්න අවස්ථාවක ඔයා වෙනුවට ආයතනයේ වෙනත් කෙනෙක්ට උසස්වීම ලැබෙනවා. දැන් ඔයාගේ බලාපොරොත්තු බිඳ වැටිලා නිසා ඔයා මානසිකව පවා කඩාගෙන වැටෙන්න පුළුවන්. ඔයාට ඒ අවස්ථාවෙදිත් හැකියාවක් නැහැ ඒ සිදුවුණ දේ පිළිගන්න.
ඉතින් මේ විදියට ඔයා කරන්නේ ඔයාගේ වර්තමානය ප්‍රතික්ෂේප කරන එක. මේ මොහොතේ, ඒ කියන්නේ වර්තමානයේ සිදු වුණ දේ, ලැබුණ ප්‍රතිඵල පිළිගන්න ඔයාට හැකියාව තිබුණා නම් ඔයා මානසිකව පීඩා විඳින්නේ නැහැ.
The Power of Now පොතේ සඳහන් වෙන්නේ, ඔයාට එන මේ වගේ ගැටලු එක්ක ඔයා සටන් කරනවා කියන්නේ කැඩපතක් එක්ක සටන් කිරීමකට ඒක සමානයි කියලා. මොකද ඔයාගේ බලාපොරොත්තුව ඉෂ්ට නොවුණ නිසා ඔයා කරන්නේ ඔයාට ලැබුණ ප්‍රතිඵලය පිළිගන්නෙ නැතුව ඔයා එක්කම සටන් කරන එක. ඔයාට හැකියාවක් තියෙනවා නම් වර්තමානයේ යථාර්ථය පිළිගන්න එතකොට ඔයාගේ මානසික නිදහස ඔයාට හිමි වෙනවා.
ඔයා වර්තමානය එක්ක සටන් කරන එක නතර කළොත් ඔයාට සැබෑම මානසික නිදහස හොයාගන්න පුළුවන්. මේ ලෝකයේ අතිමහත් බහුතරයකගේ සතුට, මානසික නිදහස නැති වෙන්න හේතුව වර්තමානය පිළිනොගන්න එක.
දැන් මේ මොහොතේ ඉඳලම ඔයාගේ සිතුවිලි ගැන අවධානයෙන් ඉඳලා, සිතුවිලිවලට ඔයාව පාලනය කරන්න ඉඩ නොදී, වර්තමාන මොහොතේ ජීවත් වෙමින්, වර්තමානය පිළිගන්න පුහුණු වෙන්න. මේක ඇත්තෙන්ම අමාරු වැඩක්. ඒත් අමාරුවෙන් හරි මේ දේ පුහුණු කළොත් ඔයාට මේ ලෝකේ ගොඩක් මිනිස්සුන්ට අත්විඳින්න නොලැබෙන මානසික නිදහස හොයාගන්න පුළුවන්.
මේ ලිපිය කියෙව්වම ඔයාට අවබෝධ වෙන්න ඇති සිතුවිලිවලට පවා ඔයාව පාලනය කරන්න අවස්ථාව ලැබිලා තියෙන්නේ ඔයාගෙම පුරුදු නිසා කියලා. සිතුවිලි එනකොට ඒ ගැන අවධානයෙන් ඉන්න පුරුද්ද, ඒ ගැන නිරීක්ෂණය කිරීමේ පුරුද්ද වගේම වර්තමාන මොහොතේ ජීවත් වෙන්න පුරුද්ද වර්ධනය කරගන්න ඔයාට පුළුවන් නම් ජීවිතයේ ධනාත්මක වෙනසක් ඇති කරගන්න ඒක හේතු වෙනවා කියලා දැන් ඔයා දන්නවා. ඉතින් මේ විදියට අපි නොහිතන තරම් වෙනසක් ඇති කරන්න අපේ පුරුදුවලට පුළුවන්. ඔයාගේ පුරුදු වෙනස් කරගෙන මානසික නිදහස වගේම ජීවිතයේ දියුණුව ඇති කරගන්න පහළ Link එකට ගිහින් Free Chapters බලලා දැනුමට යමක් එකතු කරගන්න.
https://school.lokubusiness.lk/p/atomic-habits?affcode=1420258_ghpjvsre
August 1, 2025
