“ඔබ දුප්පතෙක් වෙලා ඉපදෙන එක ඔබේ වරදක් නෙමෙයි. නමුත් ඔබ මියයන්නෙත් දුප්පතෙක් විදියට නම් එය ඔබේ වරදක්.”
මේ කියමන කිව්වේ, ලොව ධනවත්ම පුද්ගලයෙක් වන Microsoft සමාගමේ නිර්මාතෘ Bill Gates. අපි හැමෝම කැමතියි පොහොසත් වෙන්න. ඒ වෙනුවෙන් අපි හීන මවනවා. සැලසුම් හදනවා. ඒත් සමහර වෙලාවට අපි මොන තරම් මහන්සි වුණත් අපි බලාපොරොත්තු වෙන මූල්‍ය තත්ත්වයට ළඟා වෙන්න අමාරුයි කියලා ඔයාට හිතිලා ඇති. නමුත් දුප්පතෙක් විදියට ඉඳලා මේ වෙනකොට පොහොසතුන් වෙලා ඉන්න අය ඔයාගේ වටපිටාවේ ඕන තරම් ඇති. එයාලගෙයි, ඔයාගෙයි වෙනසට හේතුව ඔයාගෙම යටි සිත වෙන්න පුළුවන්.
ඔයාගේ යටි සිත මෙහෙයවලා පොහොසතෙක් වෙන්නේ කොහොමද කියලයි Loku Business Blog එකෙන් අද කියලා දෙන්නේ. Napoleon Hill විසින් රචිත Think and Grow Rich කියන පොත ඇසුරෙන් තමයි මේ ලිපිය ලියවෙන්නේ. Andrew Carnegie, Henry Ford, Thomas Edison, Theodore Roosevelt වගේ ලොව ධනවත් පුද්ගලයින් 500කට අධික පිරිසක් සමග සම්මුඛ සාකච්ඡා පවත්වලා වගේම වසර 30කට අධික කාලයක් කළ Research ඇසුරෙන් තමයි නැපෝලියන් හිල් මේ පොත රචනා කරලා තියෙන්නේ.
අපේ මනස උඩු සිත (Conscious Mind) සහ යටි සිත (Subconscious Mind) කියලා කොටස් දෙකකට බෙදෙනවා. Think and Grow Rich පොතට අනුව බලවත්ම වෙන්නේ ඔයාගේ යටි සිත. ඔයාට අවශ්‍ය අරමුණු කරා ඔයාව රැගෙන යන්න යටි සිතට පුළුවන්. ඒත් ඒ වෙනුවෙන් යටි සිත පුහුණු කරන්න අවශ්‍යයි.
Think and Grow Rich පොතේ යටි සිතේ ප්‍රධාන ලක්ෂණ 03ක් ගැන සඳහන් වෙනවා. පොසොසතෙක් වෙන්න යටි සිත පුහුණු කරන ආකාරය දැනගන්න කලින් මේ ලක්ෂණ 03 මොනවද කියලා බලමු. එතකොට ඔයාට අවබෝධ වෙයි ඇයි ඔයා යටි සිත පාලනය කරන්න ඕන කියන එක.
ඔයාගේ යටි සිත කියන්නේ ගෙවත්තක් නම් ඒ ගෙවත්ත පිරිසිදු කරලා ලස්සන කරන ඔයා තමයි උඩු සිත වෙන්නේ.
ඔයා ආශ්‍රය කරන පුද්ගලයන් ගැන කල්පනා කරලා බලන්න. “අපි නැග්ගොත් පුවක් ගහෙත් දෙබලක්, ඔය සල්ලිකාරයෝ කරන දේවල් අපිට ගැළපෙන්නේ නෑ අපි ඉන්න ඕන අපේ තරමට,” මේ වගේ සෘණාත්මක දේවල් කියන පුද්ගලයෝ නම් ඔයා නිතර ආශ්‍රය කරන්නේ ඔයාගේ යටි හිත ග්‍රහණය කරගන්නෙත් ඒ දේවල්ම තමයි. එතකොට ඔයාගේ සිතුවිලිත් ඒ ආකාරයටම හැඩ ගැහෙන්න ගන්නවා. ඒත් ඔයා ධනාත්මකව හිතන පුද්ගලයෝ ආශ්‍රය කරනවා නම් ඔයාගේ සිතුවිලිත් ධනාත්මක වෙනවා.
ඔයා නිතර හිතන්නේ, කටයුතු කරන්නේ ඔයාගේ ආදායම තවත් වැඩි කරගන්න නම් යටි සිත ඒක කරන්න පුළුවන් දෙයක් ද අමාරු දෙයක් ද කියලා තේරුම් ගන්නේ නැහැ. යටි සිත තේරුම් ගන්න එකම දේ ඔයාට ආදායම වැඩි කරගන්න ඕන කියන එක. ඒ අනුව ඔයාගේ ආදායම වැඩි කරගන්න යටි සිත
“ඔබ දුප්පතෙක් වෙලා ඉපදෙන එක ඔබේ වරදක් නෙමෙයි. නමුත් ඔබ මියයන්නෙත් දුප්පතෙක් විදියට නම් එය ඔබේ වරදක්.”
මේ කියමන කිව්වේ, ලොව ධනවත්ම පුද්ගලයෙක් වන Microsoft සමාගමේ නිර්මාතෘ Bill Gates. අපි හැමෝම කැමතියි පොහොසත් වෙන්න. ඒ වෙනුවෙන් අපි හීන මවනවා. සැලසුම් හදනවා. ඒත් සමහර වෙලාවට අපි මොන තරම් මහන්සි වුණත් අපි බලාපොරොත්තු වෙන මූල්‍ය තත්ත්වයට ළඟා වෙන්න අමාරුයි කියලා ඔයාට හිතිලා ඇති. නමුත් දුප්පතෙක් විදියට ඉඳලා මේ වෙනකොට පොහොසතුන් වෙලා ඉන්න අය ඔයාගේ වටපිටාවේ ඕන තරම් ඇති. එයාලගෙයි, ඔයාගෙයි වෙනසට හේතුව ඔයාගෙම යටි සිත වෙන්න පුළුවන්.
ඔයාගේ යටි සිත මෙහෙයවලා පොහොසතෙක් වෙන්නේ කොහොමද කියලයි Loku Business Blog එකෙන් අද කියලා දෙන්නේ. Napoleon Hill විසින් රචිත Think and Grow Rich කියන පොත ඇසුරෙන් තමයි මේ ලිපිය ලියවෙන්නේ. Andrew Carnegie, Henry Ford, Thomas Edison, Theodore Roosevelt වගේ ලොව ධනවත් පුද්ගලයින් 500කට අධික පිරිසක් සමග සම්මුඛ සාකච්ඡා පවත්වලා වගේම වසර 30කට අධික කාලයක් කළ Research ඇසුරෙන් තමයි නැපෝලියන් හිල් මේ පොත රචනා කරලා තියෙන්නේ.
අපේ මනස උඩු සිත (Conscious Mind) සහ යටි සිත (Subconscious Mind) කියලා කොටස් දෙකකට බෙදෙනවා. Think and Grow Rich පොතට අනුව බලවත්ම වෙන්නේ ඔයාගේ යටි සිත. ඔයාට අවශ්‍ය අරමුණු කරා ඔයාව රැගෙන යන්න යටි සිතට පුළුවන්. ඒත් ඒ වෙනුවෙන් යටි සිත පුහුණු කරන්න අවශ්‍යයි.
යටි සිතේ ප්‍රධාන ලක්ෂණ
Think and Grow Rich පොතේ යටි සිතේ ප්‍රධාන ලක්ෂණ 03ක් ගැන සඳහන් වෙනවා. පොසොසතෙක් වෙන්න යටි සිත පුහුණු කරන ආකාරය දැනගන්න කලින් මේ ලක්ෂණ 03 මොනවද කියලා බලමු. එතකොට ඔයාට අවබෝධ වෙයි ඇයි ඔයා යටි සිත පාලනය කරන්න ඕන කියන එක.
01 යටි සිත කොතරම් බලවත් වුවත් එය පාලනය කරනු ලබන්නේ උඩු සිත විසිනි.
ඔයාගේ යටි සිත කියන්නේ ගෙවත්තක් නම් ඒ ගෙවත්ත පිරිසිදු කරලා ලස්සන කරන ඔයා තමයි උඩු සිත වෙන්නේ.
02 යටි සිත සෑම මොහොතකම ක්‍රියාකාරීව පවතින අතර සියලු දේ ග්‍රහණය කර ගනී.
ඔයා ආශ්‍රය කරන පුද්ගලයන් ගැන කල්පනා කරලා බලන්න. “අපි නැග්ගොත් පුවක් ගහෙත් දෙබලක්, ඔය සල්ලිකාරයෝ කරන දේවල් අපිට ගැළපෙන්නේ නෑ අපි ඉන්න ඕන අපේ තරමට,” මේ වගේ සෘණාත්මක දේවල් කියන පුද්ගලයෝ නම් ඔයා නිතර ආශ්‍රය කරන්නේ ඔයාගේ යටි හිත ග්‍රහණය කරගන්නෙත් ඒ දේවල්ම තමයි. එතකොට ඔයාගේ සිතුවිලිත් ඒ ආකාරයටම හැඩ ගැහෙන්න ගන්නවා. ඒත් ඔයා ධනාත්මකව හිතන පුද්ගලයෝ ආශ්‍රය කරනවා නම් ඔයාගේ සිතුවිලිත් ධනාත්මක වෙනවා.
03 යමක් කරන්න හැකියාව තිබෙනව ද නැද්ද යන කාරණය තේරුම් ගැනීමේ හැකියාවක් යටි සිතට නැත.
ඔයා නිතර හිතන්නේ, කටයුතු කරන්නේ ඔයාගේ ආදායම තවත් වැඩි කරගන්න නම් යටි සිත ඒක කරන්න පුළුවන් දෙයක් ද අමාරු දෙයක් ද කියලා තේරුම් ගන්නේ නැහැ. යටි සිත තේරුම් ගන්න එකම දේ ඔයාට ආදායම වැඩි කරගන්න ඕන කියන එක. ඒ අනුව ඔයාගේ ආදායම වැඩි කරගන්න යටි සිත ඔයාට උදව් වෙනවා.
පොහොසත් වෙන මනසක් සාදා ගැනීමට යටි සිත පුහුණු කරන ආකාරය
01 පහසුවෙන් තේරුම් ගත හැකි පැහැදිලි අරමුණක් සාදාගන්න.
යටි සිත පුහුණු කරද්දි ඔයා මුලින්ම කරන්න ඕන දේ තමයි ඉතාම පැහැදිලිව යටි සිතට ග්‍රහණය කරගන්න පුළුවන් අරමුණක් හදාගන්න එක. ඔයා ධනවත් වෙනවා, වැඩියෙන් සල්ලි හොයනවා කියලා අරමුණක් තියාගත්තොත් ඒක ඒ තරම් පැහැදිලි අරමුණක් වෙන්නේ නැහැ. ඔයා ධනවත් වෙන්නෙ කවදද කියලා ඒ අරමුණේ නැහැ. වැඩියෙන් සල්ලි හොයන්නේ කොහොමද කියන එකත් නිශ්චිත අරමුණක් වෙන්නේ නැහැ.
ඊළඟ අවුරුද්ද ඇතුළත ඔයාගේ මාසික ආදායම රුපියල් ලක්ෂ 5ක් දක්වා වැඩි කරගන්නවා වගේ අරමුණක් හදාගත්තොත් ඒක යටි සිතට ග්‍රහණය කරගන්න පහසුයි. කාලය, මුදල මේ අරමුණ ඇතුළෙ නිශ්චිතව සඳහන් වෙනවා. එතකොට යටි සිත ඔයාට ඒ අරමුණ ඉටු කරගන්න පාර පෙන්වනවා.
02 Auto Suggestion
ඔයාට පැහැදිලි අරමුණක් තිබුණට විතරක් මදි. ඔයා ඒක නිතර නිතර යටි සිතට දැනෙන්න දෙන්න ඕන. හිතන්න ඔයාට පැහැදිලි අරමුණක් තියෙනවා ඊළඟ අවුරුද්ද ඇතුළත ඔයාගේ මාසික ආදායම රුපියල් ලක්ෂ 5ක් දක්වා වැඩි කරගන්නවා කියලා. ඒත් ඔයා ආශ්‍රය කරන්නේ “අතේ කීයක්වත් නෑ, සැලරි ලැබෙනවා විතරයි ඒකට වෙච්ච දෙයක් නෑනේ, සැලරි ලැබුණම අපි අර වැඩේ කරමු,” වගේ දේවල් නිතර කියන පුද්ගලයෝ නම් ඔයා නිතර කතා කරන්නේ, අහන්න ලැබෙන්නේ සල්ලි නැහැ කියන අදහස හිතට කාවදින දේවල්. ඔයාගේ අරමුණ නිසා ඔයා සල්ලි වැඩියෙන් හොයන්න ගත්තත් ඒක සීමා වෙන්න ඔයා ආශ්‍රය කරන අය හේතුවක් වෙනවා.
හේතුව තමයි විශේෂඥයෝ කියනවා, ඔයා හිතන දේවල් සහ කතා කරන දේවල් අතර සම්බන්ධයක් තියෙනවා කියලා. ඔයාගේ මාසික ආදායම ලක්ෂ 5ක් දක්වා වැඩි කරගන්න අවශ්‍ය නම් ඔයා ආශ්‍රය කරන පුද්ගලයෝ එක්ක ඔයාගේ අරමුණ ගැන කතා කරන්න ඕන. මාසික ආදායම වැඩි කරගන්න ක්‍රියාමාර්ග ගැන ඔවුන් එක්ක සාකච්ඡා කරන්න ඕන. ඔයා ව්‍යාපාරයක හිමිකරුවෙක් නම් ඔයා හදාගන්න පැහැදිලි අරමුණ ඉෂ්ට කරගන්න ඔයාගේ සේවකයෝ එක්ක සැලසුම් හදන්න පුළුවන්. ඔයාටම තනියම ඒ ගැන සංවාද කරන්න පුළුවන්.
මේ වගේ ඔයාගේ අරමුණ ගැන නිතර කතා වෙන්න කතා වෙන්න යටි සිත ඔයාගේ අරමුණ ඉටු කරලා දෙන්න තවත් හොඳට කටයුතු කරනවා.
03 ඔයාගේ අරමුණ ගැන හැඟීමෙන් යුතුව සිතන්න.
ඔයාට පැහැදිලි අරමුණක් දැන් තියෙනවා. නිතර නිතර ඒ ගැන යාළුවො, ව්‍යාපාර හවුල්කරුවෝ, සේවකයෝ එක්ක කතා කරනවා. නමුත් ඔයාගේ හිතේ පොහොසත් වීම ගැන හැඟීමක් හරියට නැත්නම් එතැනදි ඔයාගේ යටි සිතේ උදව් ඔයාට ලැබෙන්නේ නැතුව යනවා. ඔයාගේ මාසික ආදායම ලක්ෂ 5ක් වුණොත් හරි, ව්‍යාපාරයේ මාසික ලාබය මිලියන 10ක් වුණොත් හරි ඔයාට දැනෙන හැඟීමක් තියෙනවා නේද? අන්න ඒ හැඟීම ඔයා අරමුණට යන්න කලින් ඉඳලම ඔයා ළඟ තියෙන්න ඕන.
පොහොසත් වෙන්න හිතුවත් වටපිටාවෙන් සෘණාත්මක දේවල් සල්ලි ගැන නිතර ඇහෙනවා නම් ඔයාගේ හිතෙත් ඔයාට නොදැනිම සැකයක් ඇති වෙන්න පුළුවන් ඔයාට පොහොසත් වෙන්න පුළුවන් ද කියලා. ඒ නිසා ධනාත්මක හැඟීමක් හැම මොහොතකම හිතේ තියාගන්න. ධනාත්මක සිතුවිල්ලකට හැඟීමක් එකතු වුණොත් තමයි ඒක තවත් ධනාත්මක සිතුවිලි ආකර්ෂණය කරගන්නේ. ඒ නිසා මුල් පියවර දෙක විතරක් පුහුණු කළාට මදි. ඔයාගේ අරමුණ ඉටු වුණාම ඔයාට දැනෙන හැඟීම ඔයා අත්විඳින්න. ඒ හැඟීම විඳිමින් වැඩ කරන්න.
04 අරමුණ ඉටු වුණා යැයි සිතන්න
Think and Grow Rich කියන මේ පොතෙන් කියනවා, ඔයාට පොහොසත් වෙන්න පැහැදිලි අරමුණක් තිබුණට ඒක ඔයා අනාගතයේ ඉෂ්ට කරගන්න ඉන්න අරමුණක් කියලම හිතන්න එපා කියලා. මේ පොතේ යෝජනා කරන්නේ ඔයාගේ අරමුණ ඉෂ්ට වුණා කියලා හිතන්න කියලා. ඔයාගේ අරමුණ ඉෂ්ට වුණාම ඔයා කරන දේවල්, ඔයාගේ Life Style එක වෙනස් වෙන්නේ කොහොමද, වගේ දේවල් හිතෙන් දකින්න කියලයි මේ පොතේ සඳහන් වෙන්නේ.
මේ පියවර 04ම ඔයා හරියට පුහුණු වුණොත් ඔයාගේ යටි සිත ධනවත් වීමට Program වෙනවා. මේ පියවරවලට අමතරව වෙනත් කෙටි ක්‍රමයක් මේ පොතේ සඳහන් වෙනවා. මේ ක්‍රමය හඳුන්වනේ Burn the Boats Concept කියලා.
මේක ඉතිහාස කතාවක් ඇසුරෙන් ඇති වුණ සංකල්පයක්. අද වෙද්දි මෙක්සිකෝව නමින් හඳුන්වන රට අල්ලාගන්න Hernán Cortés කියන පුද්ගලයා ඔහුගේ සෙබළු සමග නැව්වලින් පිටත් වුණා. ඒ රටට ළඟා වුණාම ඔවුන් දැක්කා සතුරු සේනාව තමන්ගේ සේනාවට වඩා ඉතා විශාල බව. ඒකත් එක්ක මේ සෙබළු මානසිකව කඩාගෙන වැටෙන්න ගත්තා. අධෛර්යට පත් වුණා. තම සෙබළුන්ගේ හැඟීම් තේරුම් ගිය Hernán Cortés සෙබළුන්ට අණ කළා ඔවුන් පැමිණි සියලු නැව් ගිනි තියන්න කියලා.
මේක මහ විකාර වැඩක් කියලා ඔයාට හිතෙයි. ඒත් මෙතැනදි වුණේ නැව් ගිනිබත් කළ නිසා සෙබළුන්ට සටන දිනනවා හැරෙන්න වෙන විකල්පයක් නැති වුණ එක. ඒ නිසා මේ සෙබළු අතිවිශාල සතුරු සේනාව එක්ක සටන් කරලා ජයග්‍රහණය කළා කියලයි මේ පොතේ සඳහන් වෙන්නේ.
පොහොසතෙක් වීම සම්බන්ධයෙන් ගත්තම මේ පොතෙන් කියන්නේ ඔයාගේ අරමුණ ඉෂ්ට කළේ නැත්නම් ඔයාට වෙන විකල්පයක් නැහැ කියන එක යටි සිතට දැනෙන්න දෙන්න කියලා. ඔයාට අන්තර්ජාලයෙන් මුදල් උපයන්න ඕන කියලා අරමුණක් තියෙනවා නම්, ඒක හරි නොගියොත් රට යනවා, ජොබ් එකක් හොයාගන්නවා වගේ විකල්ප තියාගන්න එපා කියලයි මේ පොත කියන්නේ. එතකොට ඔයාගේ යටි සිත විසින් ඔයාගේ එකම අරමුණ ඉටු කරලා දෙන්න ක්‍රමයක් කොහොම හරි හොයලා දෙනවා කියලයි Think and Grow Rich පොතේ සඳහන් වෙන්නේ.
ධනවතුන්ව අධ්‍යයනය කරගෙන, වසර ගණනාවක Research මගින් තහවුරු කරගත් කරුණු ඇසුරෙන් ලියවුණ මේ පොතෙන් ඔයාට මේ කියලා දුන්න දේවල් පුහුණු කරලා බලන්න. මෙතෙක් කල් ධනවත් වෙන්න මවපු හීන සැබෑ කරගන්න මේ ක්‍රම ටික පුහුණු වුණොත් ඔයාට අනිවාර්යෙන්ම පුළුවන්.
ධනවතෙක් වෙන්න ඔයාට උදව් වෙන තව පොතක් තමයි Rich Dad Poor Dad කියන්නේ. පහළ තියෙන Link එකෙන් ඔයාට පුළුවන් ඒ පොතේ Free Chapters බලලා ඔයාගේ ගමන තවත් ශක්තිමත් කරගන්න.
https://school.lokubusiness.lk/p/rich-dad-poor-dad-video-book?affcode=1420258_ghpjvsre
February 13, 2025
