Netflix ඉන්දියාවේදි වරද්දගත්තේ ඇයි?

Netflix කියන්නේ ලෝකයේ ජනප්‍රියම Online Streaming Platform එක ලෙස ප්‍රසිද්ධියට පත්වූ ආයතනයක්. මේ Category එක ලෝකයට හඳුන්වලා දීලා ඒක Trend එකක් කළේ Netflix ආයතනය විසින්මයි. ලෝකයේ රටවල් 190කට වැඩි ගණනකට Netflix ව්‍යාප්ත වුණා. ඔවුන්ට වැඩිම ආදායමක් ලැබුණෙ පවා ඇමරිකාවෙන් පිට ජාත්‍යන්තර වෙළඳ පොළෙන්. ඒත් ඉන්දියාවේදී Netflix එකට විශාල අභියෝගයකට මුහුණ දෙන්න සිද්ධ වුණා.

Netflix ඉන්දියාවේදි වරද්දගත්තෙ කොතැනදි ද කියන එක ගැන මේ ලිපියෙන් ඔයාට දැනගන්න පුළුවන්. ව්‍යවසායකයෙක් වෙන්න හිතන් ඉන්න කෙනෙක්ට වගේම දැනටමත් ව්‍යවසායකයෙක් විදියට තමන්ගේ නිෂ්පාදන ජාලය පුළුල් කරන්න හිතාගෙන ඉන්න ඕනම කෙනෙක්ට මේ කතාව ගොඩක් වැදගත්. චිත්‍රපට බලන, චිත්‍රපට හැදෙන ඉන්දියාව වගේ රටකට ගිය Netflix ඇයි අසාර්ථක වුණේ, ඉන්දියනු වෙළඳ පොළේදි කළ වැරදි මොනවද කියන එක ප්‍රධාන අංශ 03ක් ඔස්සේ සලකා බලන්න පුළුවන්.

1. Competitors

2016දි Netflix සහ Amazon Prime එකම අවස්ථාවේදී ඉන්දියාවේ වෙළඳ පොළට පැමිණියත් Amazon Prime ඉන්දියාවේ ඉදිරියෙන්ම ඉන්න Streaming Platform එක බවට පත් වුණා. ඒකට ලොකුම හේතුව වුණේ Disney ආයතනය විසින් මිලට ගෙන තිබුණ Hotstar Streaming Platform එකේ බලපෑම. ඒක තමයි ඉන්දියාවේ අංක එකට පැමිණ තිබුණ Streaming Platform එක වුණේ.

ඉන්දියාවේ Streaming Market Share එකෙන් 70%ක්ම Hotstar සතුයි. ඒ නිසා Hotstar කියන්නේ කාලයක් තිස්සේ තමන්ගේ ආධිපත්‍යය ඉන්දියාවේ පතුරගෙන හිටපු Platform එකක් කියලා ඔයාට හිතෙයි. ඒත් Netflix ඉන්දියාවට එන්න වසරකට පෙර, ඒ කියන්නේ 2015දී තමයි Hotstar ඉන්දියාවට ආවේ. නමුත් ලෝකයේ රටවල් 190කට ව්‍යාප්ත වුණ, ජනප්‍රිය Platform එකක් වුණ Netflix එකට වඩා ඉතාම හොඳ Marketing Strategy එකක් Hotstar එකට තිබුණා.

Hotstar එකේ USP එක (Unique Selling Proposition) මොකද්ද?

Hotstar ආරම්භයේදිම ලාබදායී Subscription Plan එකක් ඉන්දියානුවන්ට ලබා දුන්නා. Hotstar Premium Service එකට මාසික ගාස්තුව ඩොලර් 3ක් වගේ අවම අගයක තිබුණේ. TV Shows, Movies, TV Series සඳහා 80%කටම නොමිලේ Access ලබාදීම සහ ඉන්දියාවේ ජනප්‍රියම ක්‍රීඩාවක් වන ක්‍රිකට් තරග වගේම IPL Cricket තරගාවලිය ද Stream කරන්න ඔවුන් කටයුතු කළා.

නමුත් Netflix එක ඒ වගේ දේශීය වෙළඳ පොළ ප්‍රවණතා (Local Market Trends) හඳුනාගෙන ඒවාට හැඩගැහෙන්න කටයුතු කළේ නැහැ.. Netflix CEO වරක් කියලා තිබුණා “Netflix is for movies, not for sports,” කියලා. ඒ කියන්නේ ඔවුන්ට අවශ්‍ය වුණේ නැහැ ඉන්දියානුවන් විශාල පිරිසක් නරඹන Cricket Culture එකට Netflix තුළ ඉඩක් ලබා දෙන්න. නමුත් Hotstar ඉතාම උපායශීලී ලෙස ඉන්දියානුවන්ගේ සංස්කෘතිය හඳුනාගෙන එයට අනුගත වුණා.

2. Pricing

Netflix Subscription Fee එක සමග අනෙකුත් Streaming Platformවල Subscription Fee සලකා බැලුවම එය පවා සාපේක්ෂව ඉතා ඉහළ අගයක් ගත්තා. Prime Video සහ Prime Music සඳහා Amazon Prime හි මාසික ගාස්තුව ඩොලර් 1.90ක් හා Hotstar Premium සඳහා මාසික ගාස්තුව ඩොලර් 3ක් වෙද්දි Netflix එකේ අවම මාසික ගාස්තුව ඩොලර් 7.30ක් වුණා. එතැනදිත් Netflix එක වරද්දගත්තා. 

මොකද ඉන්දියාව කියන්නේ  Price Sensitive පාරිභෝගිකයින් ඉන්න රටක්. නොමිලේ ලබාගත හැකි  Streaming Platform භාවිත කරන්නයි ඔවුන් පුරුදුවෙලා ඉන්නේ. ඒ වගේම Paid Subscription එකක් මිල දී ගන්නකොට අඩුම මිලකට Quality Services ලබාදෙන Platform එකක් තමයි ඔවුන් තෝරගන්නෙත්. Netflix පසුව ඉන්දියානුවන්ට අඩු මිලකට Paid Subscription එක ලබා දුන්නා. ඒත් ඒ වෙනකොට ඔවුන් පරක්කු වැඩියි. 

මෙයට අමතරව, ඉන්දියාවේ ඩිජිටල් කොල්ලකරුවන්ගෙන් Content බේරගන්න එක හරිම අසීරු කටයුත්තක් වුණා.අලුතෙන් Netflix series එකක් නිකුත් වුණ ගමන්ම දවස් කීපයකින් ඒක Telegram, Torrents වගේ Platforms හරහා නොමිලේ Download කරගන්න පුළුවන්. ඉන්දියාවේ බොහෝ දෙනා වියදමක් නොකර ඒ ආකාරයෙන් content භාවිතා කරන නිසා, Netflix එකට වැඩි මිලක් ගෙවන්න ඔවුන්ට අවශ්‍ය වුණේ නැහැ.

ඉන්දියාවේ Online Streaming Market එක ප්‍රධාන කොටස් 02කට බෙදෙනවා.

i) Advertising Video on Demand

මෙතැනදි වෙන්නේ වීඩියෝ බලන්න මුදල් අය කරන්නේ නැහැ. නොමිලේ වීඩියෝ නරඹන්න පුළුවන්. නමුත් මේ වීඩියෝ එකක් Play වෙන අතරේ Ads Play වෙනවා. ඒකෙන් තමයි අදාළ ආයතන ආදායම් ලබන්නේ. 

ii) Subscription Video on Demand

මේ ක්‍රමයේදී මුදල් ගෙවලා Subscription එකක් ලබා ගත යුතුයි. ඒ වගේම Ads Play වෙන්නේ නැති නිසා කිසිම බාධාවකින් තොරව වීඩියෝ නැරැඹීමේ හැකියාවත් තිබෙනවා.

ඒත් ඔයා දන්නව ද මේ ක්‍රම දෙකෙන් වැඩිම ආදායමක් ලබන්නේ Advertising Video on Demand කියන ක්‍රමවේදයට Stream කරන වීඩියෝ කියලා. ඒ තරමටම ඉන්දියාවේ පාරිභෝගිකයෝ Price Sensitive.

3. Content

ඉන්දියාවේ ජනතාව වැඩිපුර නරඹන්නේ හින්දි, මලයාලම්, තෙළිඟු, දෙමළ වගේ භාෂාවලින් නිර්මාණය වුණ චිත්‍රපට. Hotstar සහ Amazon Prime ඉන්දියාවේ භාෂා සහ සංස්කෘතික අංග පිළිබඳ වැඩි අවධානයක් යොමු කළා. Amazon Prime ගත්තාම Hindi, Telugu, Tamil, Malayalam වගේ භාෂාවල Content නිෂ්පාදනයට මුල් තැනක් දුන්නා.

නමුත්, Netflix හි Hindi/Tamil/Telugu Content ප්‍රතිශතය ඉතා අඩු තැනක තිබුණේ. Netflix Western Content Oriented Platform එකක් නිසා ඉන්දියාවේ දේශීය වෙළඳ පොළ ප්‍රවණතා ඔවුන්ගේ ප්‍රධාන අරමුණ වුණේ නැහැ.

Amazon Prime සහ Hotstar ඉන්දියාවේ මිනිස්සු බලන Content ඉන්දියානුවන්ට ලබා දුන්නත්, Netflix කළේ ඉන්දියානුවන්ගේ කැමැත්ත තේරුම් නොගෙන තමන්ගේ Content බලෙන් ඉන්දියානුවන්ට පෙන්නන්න ගියා වගේ වැඩක්.

තමන් පය තබපු වෙළඳ පොළට ගැළපෙන Content ලබා දෙන්න තියා ඒවා හඳුනගන්නවත් Netflix උනන්දු නොවීම ඔවුන් වරද්දගත්ත තව තැනක් බව ඔයාට පැහැදිලි ඇති. ඕනම ව්‍යාපාරයකදි අදාළ නිෂ්පාදන හෝ සේවා අලෙවි කරගන්න නම් ඔයාට සිද්ධ වෙනවා පාරිභෝගිකයාගේ සපත්තුවට බැහැලා ඒ විදියට හිතලා බලන්න. එහෙම නැති වුණොත් වෙන්නේ මේ විදියට වෙළඳ පොළට අනුගත නොවීම නිසා විශාල පාඩුවක් ලබන්නයි.

Netflix එකට වැරදුණ තැන්වලින් ඔයාට වැදගත් වෙන පාඩම් 4ක්

01. Competitor Gap

Hotstar ඉතා හොඳින් සිය තරගකාරයින් අධ්‍යයනය කළා. ඔවුන්ට හැකි වුණා Netflix හා Amazon Prime විසින් Sports Streaming නොකරන බව හඳුනගන්න. ඉන්පස්සේ Hotstar විසින් සිය තරගකරුවන්ගේ තිබුණ අඩුපාඩුව තමන්ගේ වාසියට හරවගත්තා. ඒක තමන්ගේ USP (Unique Selling Point) එකක් බවට පත් කරගත්තා.

ඔයාගේ Business එකකදි වුණත් ඔයාට වඩා මොන තරම් ඉදිරියෙන් ඉන්න තරගකාරී ව්‍යාපාරයක අඩුපාඩු හඳුනගන්න ඔයාට පුළුවන් නම් ඒ අඩුපාඩුව තමන්ගේ ව්‍යාපාරය තුළින් පාරිභෝගිකයන්ට සම්පූර්ණ කරලා දෙන්න හැකියාව තියෙනවා.

02. Market Penetration Pricing

Hotstar සහ Amazon Prime Platform දෙකම Netflix එක ලබා දුන්නට වඩා ලාබදායී මිලකට තමන්ගේ Content ලබා දුන්නා. ඔයාට වුණත් වෙළඳ පොළේ වැඩි ඉඩක් අත්පත් කරගන්න පුළුවන් ක්‍රමයක් තමයි Market Penetration Pricing කියන්නේ. ඒ කියන්නේ අනිත් තරගකරුවන්ට වඩා අඩු මිලකට ඔයාගේ නිෂ්පාදන හෝ සේවා අලෙවි කරන්න පුළුවන්. ඔයාටම දකින්න ලැබිලා ඇති ලංකාවෙත් මේ වගේ ඉතා අඩුවට නිෂ්පාදන අලෙවි කරන ව්‍යාපාර තියෙනවා. අපිට බැලු බැල්මට හිතෙනවා ඒක පාඩු වැඩක් කියලා. ඒත් කාලයත් එක්ක ඒ ව්‍යාපාර වටා එක්වන පාරිභෝගික සංඛ්‍යාව ඉහළ යාමත් එක්ක ඉතා හොඳ ආදායමක් උපයන්න ඒ ව්‍යාපාරවලට හැකියාව හිමි වෙනවා.

03. Consumer Attitude

Loku Business Blog එකේ අපි ලිපි පළ කරලා තියෙනවා පාරිභෝගික හැසිරීම් අධ්‍යයනය කරන එක ව්‍යාපාරයක දියුණුවට මොන තරම් වැදගත් වෙනව ද කියන එක ගැන. Netflix සම්බන්ධ කාරණාවෙදි වුණත් ඔවුන් වරද්දගත්ත තැනක් තමයි පාරිභෝගික හැසිරීම්, ආකල්ප ගැන ඔවුන් සැලකිල්ලක් දැක්වුවේ නැහැ. ඉන්දියාවේ බොහෝ පාරිභෝගිකයින් නොමිලේ ලබාදෙන streaming Platformsවලටයි කැමැත්තක් දැක්වුවේ.

ඒ නිසා ඔයාගේ ව්‍යාපාරයකදි අනිවාර්යෙන්ම පාරිභෝගිකයින්ගේ ආකල්ප, හැසිරීම් හඳුනාගෙන ඉස්සරහට යන්න.

 04. Market Customization

Amazon Prime සහ Hotstar ඉන්දියාවේ වෙළඳ පොළට ගැළපෙන Local Contents නිර්මාණය කළා. නමුත් Netflix ඒ දේ කළේ නැහැ. දේශීය වෙළඳ පොළ අවශ්‍යතාවලට හැඩගැහුණේ නැත්නම් නිෂ්පාදනයක් හෝ සේවාවක් ඒ වෙළඳ පොළ තුළ සාර්ථකව අලෙවි කරන්න ව්‍යාපාරයකට හැකියාවක් ලැබෙන්නේ නැහැ.

ඔයාගේ Business එකත් දේශීය සංස්කෘතියට, පාරිභෝගික අවශ්‍යතා අනුව යම් වෙනසකට භාජනය කළොත් විතරයි ව්‍යාපාරයේ සාර්ථකත්වය අත්දකින්න ඔයාට හැකි වෙන්නේ. ඔයා ව්‍යාපාරය පුළුල් කරනවා නම් ඔයාගේ නිෂ්පාදනය හෝ සේවාව ලංකාව තුළම විවිධ ප්‍රදේශවල සංස්කෘතියට, පාරිභෝගික හැසිරීම්වලට ගැළපෙන්න වෙනස් කරගන්න වෙන අවස්ථා එනවා. ඔයාගේ ව්‍යාපාරය ජාත්‍යන්තරයට ගෙනියනවා නම් ඒත් ඔයාට Market Customization කරන්න වෙනවා. 

මේ ලිපියෙන් ඔයාගේ ව්‍යාපාරයේදී ඔයා නොකළ යුතු දේවල් සහ කළ යුතු දේවල් ගැන හොඳ අදහසක් ලැබෙන්න ඇති. ඔයාගේ ව්‍යාපාරය තවදුරටත් දියුණු කරගන්න අවශ්‍ය දැනුම ලබා දෙන්න Loku Business අපි නිරතුරුවම සූදානමින් ඉන්නවා. අපි මේ ලිපියෙන් කතා වුණා පාරිභෝගිකයන් ගැන අවබෝධ කරගැනීම මොන තරම් වැදගත් ද කියලා. ජීවිත කාලයටම පාරිභෝගිකයන් තම ව්‍යාපාරයට ආකර්ෂණය කර තබා ගන්නා හැටි වගේම ඔවුන්ගේ හදවතට කතා කරන්නේ කොහොම ද කියලත් ඉගෙන ගන්න එක ඔයාට වැදගත් වෙයි.

පහළ තියෙන Link එකෙන් ඔයාට පුළුවන් නිවැරදිව Marketing Plan එකක් හදාගන්න ආකාරය, පාරිභෝගිකයන් සහ ඔබේ තරගකරුවන් අධ්‍යයනය කරගෙන ව්‍යාපාරය දියුණු කරන්නේ කොහොමද කියන එක ගැන දැනුම ලබා ගන්න.

https://school.lokubusiness.lk/p/marketing-plan?affcode=1420258_ghpjvsre