ඔබේ වෘත්තීය ක්ෂේත්‍රයේ Legend කෙනෙක් වෙන හැටි

රැකියාවක් කරන ඕනම පුද්ගලයෙක් කැමතියි තමන්ගේ ක්ෂේත්‍රයේ සුවිශේෂී චරිතයක් වෙන්න. පියවර 03කින් කොහොමද ඔයාගේ වෘත්තීය ක්ෂේත්‍රයේ සුවිශේෂී චරිතයක් වෙන්නේ කියලා මේ ලිපියෙන් ඔයාට දැනගන්න පුළුවන්. රැකියාවක් කරන කෙනෙක්ට විතරක් නෙමෙයි, රැකියාවක් කරන්න බලාපොරොත්තුවෙන් ඉන්න කෙනෙක්ට, ශිෂ්‍ය ශිෂ්‍යාවන්ට පවා මේ ලිපිය වැදගත්. 

ඔයාගේ රැකියා ක්ෂේත්‍රය තුළ හැමෝගේම ගෞරවය දිනාගත් අමතක නොවන පුද්ගලයෙක් වෙන්න අවශ්‍ය නම් මොනවද ඔයා අනුගමනය කරන්න ඕන කියන එක පියවරෙන් පියවර බලමු.

01. Unique Signature Skill

ඔයාගේ ළඟ තියෙන ඔයාටම ආවේණික වුණ, අද්විතීය හැකියාව මොකක්ද කියන එක මුලින්ම හඳුනාගන්න. වෙන කිසි කෙනෙක් ළඟ නැති ඔයාටම Unique වුණ, අනිත් අයගෙන් ඔයාව වෙනස් කෙනෙක් විදියට කැපිලා පේන හැකියාවක් තමයි මෙතැනදි ඔයා හඳුනාගන්න ඕන. 

අපි භෞතිකව විතරක් නෙවෙයි unique වෙන්නේ. මනෝවිද්‍යාත්මකව පවා අපි unique. උදාහරණයක් විදියට මෙහෙම හිතන්න. දැන් ඔයා ශක්තිමත්ම පුද්ගලයාව තෝරනවා නම්, strong, stronger, strongest කියලා ප්‍රබලතාව වැඩිවෙන විදියට ශක්තිමත් පුද්ගලයන්ව වර්ග කරන්න පුළුවන්. ඒත් Unique පුද්ගලයෙක්ව නම් ඔයා තෝරන්නේ unique, uniquer, uniquest කියලා කියන්නේ නැහැ. Unique එහෙම නැත්නම් අද්විතීය කියන්නේ ඒ වගේ පුද්ගලයෙක්ට සමාන කරන්න තව පුද්ගලයෙක් නැහැ. 

අනිවාර්යෙන්ම ඔයා ළඟ සුවිශේෂ හැකියාවක් ඇති, ඒත් ඔයා එහෙම එකක් නෑ කියලා හිතාගෙන රැකියාවේ පවා එකම තැනක, එකම මට්ටමක ඉන්නවා ඇති. මෙහෙම කල්පනා කරලා බලන්න, ඔයා වැඩක් කරනකොට විශාල ශක්තියක් යොදවලා, හරිම අපහසුවෙන් කරන වැඩ අතරේ වැඩි මහන්සියක් නැතුව, ආසාවෙන් කරන්න පුළුවන් දෙයක් ඇති. අන්න ඒ හැකියාව ගැන පොඩ්ඩක් හිතලා බැලුවොත් ඔයාට පැහැදිලිවෙයි වෙන කෙනෙක් ඒක කරන්නේ කොහොමද කියලා හිතනකොට ඔයා ඒ වෙනකොටත් ඒක කරලා ඉවරයි කියලා. වෙන කෙනෙක්ට පෝය දවසක වැඩ කරන්න බෑ වගේ හිතනකොට ඔයා ඒ පෝය දවසෙත් වැඩ කරනවා ඒ දේ වෙනුවෙන්. ඒ වගේ Unique Signature Skill එකක් ඔයාට තියෙනවා. ඒක ගොඩක් හොඳට විශ්ලේෂණය කරලා හඳුනගන්න උත්සහ කරන්න. 

මේක එක පාර කරන්න අමාරුවෙයි. සමහරවිට ඔයාගේ මතකයට එන එකක් නැහැ මොකක්ද ඒ හැකියාව කියන එක. ඒ නිසා ඔයා රැකියාව කරන අතරතුර ඔයාටම හොඳ අවධානයක් දෙන්න. එතකොට ඔයාට පුළුවන්වෙයි ඔයත් නොදැන හිටිය ඔයාගේ Unique Signature Skill එක හඳුනාගන්න.

02. Focus on Depth, Not Width

පළමු පියවර විදියට Unique Signature Skill එක මොකක්ද කියලා හොයාගත්තට පස්සේ කරන්න ඕන දේ තමයි, ඒ Skill එක සම්බන්ධයෙන් ඔයාට යන්න පුළුවන් ගැඹුර පිළිබඳව අවධානය යොමු කරන එක. කොච්චර පුළුල්ව ඒ දේ කරන්න ඕන ද කියන එක නෙමෙයි ඇත්තටම වැදගත් වෙන්නේ ඒකේ මොන තරම් ගැඹුරට ගිහින් ඒ ගැන හදාරන්න පුළුවන් ද කියන එකයි වැදගත්. එතකොට තමයි ඔයා ඒ ක්ෂේත්‍රයේ විශේෂඥයෙක් වෙන්නේ. 

තවත් පැහැදිලිව කියනවා නම්, ඒ හඳුනගත්ත හැකියාව පිළිබඳව Laser Sharp Focus එකක් යොමු කරන්න අවශ්‍යයි. ලෝකේ ඝනත්වය අධික පෘෂ්ඨයක් තමයි දියමන්ති කියන්නේ. මේ දියමන්තියක් වුණත් දෙකට බෙදන්න ලේසර් එකට පුළුවන්. ඒ තරමට ලේසර් ෆෝකස් ගැමුරකට ඔයා ගියොත් ඔයාගේ industry එකේ අද්විතීය චරිතයක් වෙන එක කාටවත් නවත්තන්න බැහැ.

ලිපියෙ මුලින් කිව්ව දේවල් ගැන හොඳ අවධානයක් දීලා ඔයාගේ හැකියාව ගැන හඳුනගත්තට පස්සේ ඔයාට හිතෙන්න පුළුවන් මේ වෙනකොට කරන රැකියාවට අදාළ ක්ෂේත්‍රය නෙමෙයි ඔයාගේ Unique Signature Skill එකට අදාළ ක්ෂේත්‍රය කියලා. ඒත් ඔයාට අවදානමක් අරන් ක්ෂේත්‍රය වෙනස් කරන්න බයක් දැනෙන්න පුළුවන්. “දැන් මේ රස්සාවෙන් මම සැලරි එකකුත් ගන්නවා, අනිත් එක මම ඉගෙන ගත්තේ දැන් රස්සාව කරන Field එක ගැනනේ, මේක වෙනස් කළොත් අනිත් අය මොනවා කියයි ද,” වගේ සිතුවිලි එක්ක ඔයාට බයක් දැනෙන එක සාධාරණයි. ඒත් මේ ලෝකේ වෙනසක් කළ හැම මනුස්සයෙක්ම වගේ අවදානමක් ගත්ත අය. 

ඔයා unique කෙනෙක් නම් ඔයාගේ industry එකේ ඔයාව replace කරන්න කාටවත් බැහැ. උදාහරණයක් විදියට රොනාල්ඩෝගේ චරිතය දිහා බලන්න. ගොඩාක් දේවල් කරන්න ගිය නැහැ සාර්ථක වෙන්න. තමන්ගේ හැකියාව හඳුනගෙන ඒකේ ගැඹුරටම ගියා. ඔහු Legend කෙනෙක් වුණේ Laser Sharp Focus එකක් තමන්ගේ Unique Signature Skill එක වෙනුවෙන් යොමු කරලා වැඩ කළ නිසා.

03. Say No to Almost Everything

මුල් පියවර 02 හරියට කළාට පස්සේ ඔයාට තියෙන්නේ හිතන තරම් ලේසි වැඩක් නෙමෙයි. ඒ තමයි බැරි දේවල්වලට බෑ කියන එක. ලේසියි වගේ පෙනුනට මේක ගොඩක් දෙනෙක්ට ටිකක් අමාරු දෙයක්. ඔයා ගැනම ඔයා හිතලා බැලුවොත් සමහරවිට බෑ කියන්න බැරිකමට හා කියලා පසුතැවෙන්න වුණ අවස්ථා ඔයාගේ ජීවිතේ ඇති. 

ඔයාගේ ජීවිතේ දේවල් හරියනකොට ඔයාට attraction එකක් එනවා වගේම ඔයාට distraction එකක් ඇති වෙනවා. ඔයාව එක එක දේවල්වලින් එහාට මෙහාට ඇදලා ගන්න එක එක බලවේග ක්‍රියාත්මක වෙන්න පුළුවන්. මොකද මිනිස්සු හැමෝම එක වගේ නැහැ. කෙනෙක්ගේ සාර්ථකත්වයක් දැකලා සතුටු වෙන්න පුළුවන් අය වගේම බැරි අයත් ඉන්නවා. ඔයා බුද්ධිමත් වෙන්න ඕනේ මොන වගේ දේවල්වලට ද ඔයා හා කියන්න ඕන කියන එක හරියට තෝරගන්න.

Alibaba සමාගමේ නිර්මාතෘ ජැක් මා ඔහුගේ ව්‍යාපාරය පටන් ගත්තට පස්සේ, ඒක සාර්ථක වෙනවා කියලා දැකපු ගොඩක් අය “බිස්නස් එකට මේ දේවල් ටිකත් ඇඩ් කරමු, මේවත් විකුණන්න පටන් ගනිමු, බිස්නස් එක මෙන්න මේ පැත්තට ගියොත් හොඳයි නේද,” වගේ කතා ඔහුට කිව්වා. ඒත් ඔහු ඒ කිසි දෙයකට හා කිව්වේ නැහැ. ඔහු හඳුනගෙන තිබුණෙ තමන් යන්න ඕන මාර්ගය. ඔයා මේ ලිපියේ දෙවනි පියවරේදී ඉගෙනගත්ත Focus on Depth, Not Width කියන පියවර අනුගමනය කරලා ජැක් මා අනිත් අය කියන හැමදේම කරලා Width එක ගැන හිතනවා වෙනුවට කළේ බැරි දේට බෑ කියලා Depth එකට අවධානය යොමු කළ එක.

මේ තුන්වෙනි පියවර අනුගමනය කරනකොට ඔයාට පිළිපදින්න පුළුවන් සංකල්පය තමයි 80/20 නියමය. ඔයාගේ ජීවිතේ 20%ක යාළුවො පිරිසක් තමයි ඔයාගේ ජීවිතේ 80%ක්ම සහයෝගයට ඉන්නේ. ඔයා ව්‍යාපාරයක් කරනවා නම් 20%ක පාරිභෝගික පිරිසක් තමයි ව්‍යාපාරයේ 80%ක ආදායමක් ලබා දෙන්න හේතු වෙන්නේ. 20%ක් ඔයා හරි අවධානයකින් කරන වැඩකින් තමයි 80%ක සාර්ථකත්වයක් ඔයාට ලැබෙන්නේ. ඒ වගේ 20%ක මහන්සියකින් 80%ක ප්‍රතිඵලයක් ලැබෙන දෙයක් හැරෙන්න 80%ක මහන්සියක්, ශක්තියක් යොදවලා 20%ක ප්‍රතිඵලයක් ලැබෙන දෙයක් කරන්න යන්න එපා. ඒවට බැහැ කියන්න පුරුදු වෙන්න. 

Hard work වැඩියෙන් කළා කියලා ඒකෙන් ප්‍රතිඵල ගොඩක් ලැබෙනවා කියලා හිතන්නත් එපා. 20% නිවැරදි ක්‍රියාවන් තමයි 80%ක නියම ප්‍රතිඵලයක් ඔයාට ලබා දෙන්නේ.”මම මෙච්චර වැඩ කරලත් මට Promotion එකක් නැහැ, මම කොච්චර වැඩ කළත් මට මේකේ කිසිම සතුටක් නෑ,” සමහර පුද්ගලයෝ ඉන්නවා මේ විදියට හිතන. ඔයත් එහෙම හිතෙන කෙනෙක් නම් තේරුම් ගන්න ඕන දේ තමයි ඔයාගේ psychological විභවය තියෙන තැන නෙමෙයි ඔයා දැන් ඉන්නේ කියන එක. ඔයා දැන් ඉන්න ක්ෂේත්‍රය ඔයාගේ විභවය (Potential) තියෙන නියම තැන නෙමෙයි. ඔයාගේ විභවය තියෙන්නේ කොහෙද කියන එකට ඉඟි ස්වභාවධර්මය විසින් ඔයාට ලබා දෙනවා. එහෙම ඉඟි ඔයාට ලැබිලා ඇති. ඒත් ඔයා ඒ ගැන අවධානය යොමු කළා ද කියන තැනයි ප්‍රශ්නය තියෙන්නේ. හොඳට හිතලා බැලුවොත්, වර්තමානයේදී හොඳ අවධානයකින් හිටියොත් ඔයාට ඒ ඉඟි තේරුම් ගන්න පුළුවන් වෙයි.

දැන් ඔයා දන්නවා ඔයාගේ ක්ෂේත්‍රයේ Legend කෙනෙක් වෙන්න අනුගමනය කරන්න ඕන පියවර 3 මොකක්ද කියන එක. උත්සහ කරන්න. ඔයාට පුළුවන්.

වර්තමානයේ ගොඩක් දෙනෙක් තමන්ගේ Passion එක මොකක්ද කියලා හොයාගන්න ගිහින් අතරමං වෙනවා. සමහර පුද්ගලයෝ වැරදි තැන්වලයි අවසානයේ නතර වෙන්නේ. වැරදි Passion එකක් තමන්ගේ කියලා හිතාගෙන එහෙම තැනක නතර වුණාම හානියක් මිස සාර්ථකත්වයක් අත්විඳින්න ලැබෙන්නෙ නැහැ. ඔයාගේ Passion එක හොයාගෙන ඔයාව Legend කෙනෙක් බවට පත් කරගන්න පහළ Link එකට ගිහින් Free Chapters බලන්න.

https://school.lokubusiness.lk/p/how-to-find-your-passion?affcode=1420258_ghpjvsre