කාලයේ තාලයට ලෝකය වෙනස් වෙද්දි Marketing කරන ක්‍රම පවා අලුත් වෙනවා. ඉස්සර පත්තර, රූපවාහිනිය, ගුවන්විදුලිය වගේ මාධ්‍යවලින් Marketing කළත් මේ වෙනකොට සමාජ මාධ්‍ය ඔස්සේ Marketing කරන තැනටම ලෝකය දියුණුයි. ඒ අතරින් Facebook Marketing විශේෂයි. Facebook Adsවලින් ඔයාගේ ව්‍යාපාරයේ ප්‍රවර්ධන කටයුතු සිදු කරද්දි ඔයා දැනගන්න ඕන මූලිකම දේවල් කීපයක්ම තියෙනවා. ගොඩක් දෙනෙක් Facebook Ad එකක් දානකොට මේ දේවල් ගැන සැලකිලිමත් නොවන නිසාම ඔවුන්ට හොඳ ප්‍රතිඵලයක් පවා ඒ තුළින් ලැබෙන්නේ නැහැ.

Advertisingවලදි ad policy, ad objectives, optimization වගේ මොන දේ ගැන කතා කළත්, ඔයා කොච්චර දක්ෂයෙක් වුණත් ඔයාගේ creative එක target audience එකට හරි විදියට සන්නිවේදනය කරන්නේ නැත්නම් ඔයා කොහොම Advertising කළත් තේරුමක් වෙන්නේ නැහැ.

Advertisingවලදි පාරිභෝගිකයාගේ first touch point එක වෙන්නේ ඔයාගේ creative එක. එතැන් සිට තමයි හැමදේම තීරණය වෙන්නේ.

Creative Best Practices මොනවද?

Mobile Optimization

Facebook පරිශීලකයින්ගෙන් වැඩි පිරිසක් ෆේස්බුක් වෙත පිවිසෙන්න භාවිත කරන්නේ ජංගම දුරකතනය. ඒ නිසා දැන්වීම් නිර්මාණය mobile friendly ආකාරයෙන් සිදු කිරීමට අවධානය යොමු කළ යුතුමයි. ඔයාට හිතෙන්න පුළුවන් customer මොකෙන් ආවත් අපිට ඇති වැඩක් තියෙනවද කියලා. වැඩක් තියෙනවා. මෙහෙම හිතන්න, ඔයා tuition master කෙනෙක්. ඔයාගේ විෂය ගණිතය. ඔයාගේ පන්ති ගැන විස්තර එක්ක ඔයා පොඩි දැන්වීමක් දානවා ගණිත සංකල්පයක් ගැන පැහැදිලි කිරීමක් එක්ක. Post එක ලස්සනට හදලත් තියෙනවා, Desktop එකෙන් බලනකොට ඒක ලස්සනට පේනවා. ඉතින් ඔයා හිතනවා පැහැදිලිව තියෙනවානේ, හොඳට කියවන්නත් පුළුවන්නේ කියලා. ඒත් desktop screen එකක බලන එකම අපි mobile එකේ දැක්කම ගොඩක් වෙලාවට text එක පොඩියට පේන්නේ. Brand එකවත් අපිට පේන්නේ නැහැ. ඔයා දෙන පණිවිඩය පැහැදිලි නැහැ. එතකොට ඒ දැන්වීම දකින කෙනෙක් action එකක් ගන්න තියෙන අවස්ථාව ගොඩක්ම අඩු වෙනවා.

සාර්ථක Ad campaigns ගැන සලකා බැලුවොත් ඔවුන් කරන ලොකුම දේ තමයි creatives, ඒ කියන්නේ වීඩියෝ වෙන්න පුළුවන්, ග්‍රැෆික් වෙන්න පුළුවන් ඒ මොනම ආකාරයකට හරි නිර්මාණය කරන දැන්වීම් mobile එකට ගැළපෙන විදිහට නිර්මාණය කරනවා. දැන් ඔයාට හිතෙයි mobile එකට ගැළපෙන content මොනවද කියලා කොහොමද අපි figure out කරගන්නේ කියලා. හිතලා බලන්න ඔයාගේ Facebook ගිණුම ගැන. සාමාන්‍යයෙන් ගත්තොත් වැඩියෙන්ම ඔයා බලන දේවල් තියෙන්නේ feed එකේ. feed එකේදි අපිට පෙන්නන format එක වෙනස්. 1×1 format එකක් තමයි facebook feed එකේදි පෙන්නන්නේ. 

ඊට පස්සේ අපි තව වැඩියෙන් බලන එකක් තමයි stories. stories බලනකොට අපි බලන format එක තව පොඩ්ඩක් වෙනස්. එතකොට තියෙන්නේ vertical format එකක්. නමුත් ඔයා හිතන්න අර feed එකේ කොටුව වගේ තියන එකම story එකෙත් කොටුව වගේමයි පේන්නේ. Full screen එකට ඇවිල්ලා පේන්නේ නැහැ කියලා. එතකොට අපිට මේ තියන attraction එක අඩුයි මේ creative එකට. ඒ නිසා අදාළ තැන්වලදි Placement ගැන සැලකිල්ලක් දක්වන්න ඕන. ඒ කියන්නේ, හැම placement එකටම ගැලපෙන විදිහට content එක edit කරගන්න ඕනේ කියන එක අපි අනිවාර්යෙන්ම මතක තියාගන්න ඕනේ.

Value Proposition

බොහෝ දෙනෙක් Facebook Campaign කරනවා. ඒත් සාර්ථක නැහැ, campaign එකේ result එකක් නැහැ කියලා කියන පිරිසකුත් ඉන්නවා. ඇයි මේ campaign එක සාර්ථක වෙලා නැත්තේ කියලා අපි බැලුවොත් ගොඩක් වෙලාවට වෙලා තියන ප්‍රශ්නේ තමයි ඔයා ව්‍යාපාරිකයෙක් විදිහට විකුණන brand එක ගැන හරියට පැහැදිලි පණිවිඩයක් ඒ Campaign එකෙන් දීලා නැහැ. ඒ කියන්නේ Value Proposition එහෙම නැත්නම් message to market match කියන එක එතැන නැහැ. ඔයා කියන message එක ඔයාගේ target audience එකට තේරෙන්නේ නැහැ, මොකක්ද මේ කියන්නේ කියලා. අන්න එහෙම වුණාම අනිවාර්යෙන්ම campaign එක fail වෙන්න තියෙන chance එක ගොඩක්ම වැඩියි. 

ඔයාගේ product එක හෝ service එක ඇයි වෙන අයට වඩා, එහෙම නැත්නම් වෙන competitorsලාට වඩා ඔයාගේ target audience එකට ගැළපෙන්නේ කියන එක පැහැදිලිව කියන්න පුළුවන් වෙන ආකාරයට Campaign එක කළොත් එතැනදි Value Proposition එක නිර්මාණය වෙනවා.

Ad එකක Primary Factors මොනවද?

ඕනම ad එකක

Share this post: