Harry Potter කියන නම නොදන්න කෙනෙක් නැති තරම්. සමහර විට ඔයා Harry Potter පොත් පෙළ කියවලා නැති වුණත් චිත්‍රපට පෙළ නරඹලා ඇති. මිලියන ගණන් අලෙවි වුණ, භාෂා 80කට අධික සංඛ්‍යාවකට පරිවර්තනය වුණ Harry Potter කතා මාලාව රචනා කළ J.K. Rowling බිලියනපතිනියක් වුණේ කොහොමද කියන එක මේ ලිපියෙන් ඔයාට දැනගන්න පුළුවන්.
ලිවීම වගේ ක්ෂේත්‍රයක් සම්බන්ධයෙන් දක්ෂතා දක්වන කෙනෙක්ට බිලියනපතියෙක් වෙන එක හීනයක් කියලා සමහර පුද්ගලයෝ හිතනවා. නමුත් ලෝකයේ වැඩිම අලෙවි වාර්තා තැබූ කෘති ගැන ඔයා අහලා ඇති. අපි බොහෝ දෙනෙක් දන්න Harry Potter කතා මාලාවේ කතුවරිය ඇයගේ ලිවීමේ කුසලතාව භාවිත කරලා බිලියන ගණන් ආදායම් උපයන තැනකට පත් වුණේ කොහොමද කියන එක ඔයාගේ හැකියාවන්වලට වටිනාකමක් ලබා දෙන්නේ කොහොමද කියලා අදහසක් ගන්න වැදගත් වෙයි.
J.K. Rowling බිලියනපතිනියක් වෙන්න යොදාගත් උපක්‍රම මොනවාද කියලා දැනගන්න කලින් ඇයගේ ජීවිත කතාවේ පසුබිම මොන වගේ එකක් ද කියලා අපි බලමු.
J.K. Rowlingගේ ජීවිත ගමන එතරම් සුවපහසු එකක් වුණේ නැහැ. එංගලන්තයේ සිටින බලගතු, ධනවත් කාන්තාවන් අතරට මේ වන විට ඇය එක්ව තිබුණත් ඇය කාන්තාවක් ලෙස මුහුණ දිය හැකි දුෂ්කරතා රැසකින් පීඩාවට පත්ව සිටි අයෙක්. JK Rowling ඉපදෙනකොට එයාගේ අම්මයි, තාත්තයි බලාපොරොත්තු වුණේ පිරිමි ළමයෙක්. ඒ නිසා ගැහැණු ළමයෙක් කියලා පොඩ්ඩක් කලබල වුණා. Joanna කියලා නම තිබ්බට, වැඩිපුරම කතා කළේ Joe කියලා. ඇයට ඔවුන් සැලකුවේ පිරිමි ළමයෙක් විදියටයි. ඇය ආර්ථික අපහසුතා පිරි පවුලකින් පැවත එන කාන්තාවක් නොවුණත් ඊට වඩා වෙනස් ප්‍රශ්න රැසක් ඇයට තිබුණා.
එයාට පොඩි කාලේ ඉඳන්ම හිතුණේ, “මාව මේ පවුලේ කොන් වෙලා, මගේ අදහස් ඒගොල්ලෝ තේරුම් ගන්නේ නැහැ” වගේ දේවල්. ඇය ඒ නිසා ඉතාම තනිකමකින් පීඩා වින්දා. ඇයගේ මව සහ පියා පොත් කියවන්න හුරු වුණ අය නිසාම J.K. Rowlingටත් පොත් කියවන පුරුද්ද තිබුණා. ඇයට අවුරුදු 7ක් පමණ වන විට ඇයගේ පළමු කතාව ලියන්න ඇය උත්සහ කළා.
ඇය පාසල් ගොස් නිවසට පැමිණි විට මව සහ සහෝදරිය සමග පාසලේ සිදුවීම් බෙදාගන්න පුරුද්දක් ඇයට තිබුණා. කතන්දර කීමේ හැකියාව වැඩිදියුණු වෙන්න මෙලෙස පාසලේ සිදුවීම් මව සමග බෙදාගැනීම ඇයට රුකුලක් වී තිබුණා. කුඩා කල සිටම ලේඛිකාවක් වෙන්න සිහින දැක්ක ඇයට පවුලේ බලකිරීමත් සමග විශ්වවිද්‍යාල අධ්‍යාපනය ලබන්න සිදු වුණා. විශ්වවිද්‍යාලයේ ඉගෙන ගන්න කාලයේ පවා ඇය පුස්තකාලයට ගොස් ඇය ඉගෙන ගත් ප්‍රංශ භාෂාවට අමතරව වෙනත් ක්ෂේත්‍ර රැසක් ගැන පොත් කියවන්න යොමු වුණා.
1990 දවසක ඇය Manchester සිට London දක්වා දුම්රියේ ගමන් කරන අතරතුර ඇයගේ සිතට එකපාරට අදහසක් ආවා. ඒ තමයි මැජික් පාසලකට යන පොඩි කොල්ලෙකුගේ කතාවක්. ඒ ගමන අවසානයේ ඇයට ඉඩක් ලැබුණ ගමන්ම ඇය කොළයක් සහ පෑනක් හොයාගෙන හිතට ආව අදහස කතාවක් විදියට පෙළගස්වන්න උත්සහ කළා.
ඇය මේ කතාව පොතක් විදියට ලියන්න පටන් ගත්තා. ඒත් පොත ලියලා ඉවර කරන්න කලින් ඇයගේ මව මිය ගියා. මවගේ වියෝව ගැන ඇය පවසා තිබුණේ මේ වගේ දෙයක්, “අම්මා නැති වුණාට පස්සේ මගේ ජීවිතය වෙනස් වුණා. සාමාන්‍යයෙන් මම තාත්තත් එක්ක ලොකු සම්බන්ධතාවයක් නැහැ. මට මේක තදින්ම බලපෑවා. මම මානසිකව වැටුණා. මට මේ පොත ලියලා ඉවර කරන්නත් බැහැ, ඒ තරමට වැටුණා.”
Harry Potter කියන නම නොදන්න කෙනෙක් නැති තරම්. සමහර විට ඔයා Harry Potter පොත් පෙළ කියවලා නැති වුණත් චිත්‍රපට පෙළ නරඹලා ඇති. මිලියන ගණන් අලෙවි වුණ, භාෂා 80කට අධික සංඛ්‍යාවකට පරිවර්තනය වුණ Harry Potter කතා මාලාව රචනා කළ J.K. Rowling බිලියනපතිනියක් වුණේ කොහොමද කියන එක මේ ලිපියෙන් ඔයාට දැනගන්න පුළුවන්.
ලිවීම වගේ ක්ෂේත්‍රයක් සම්බන්ධයෙන් දක්ෂතා දක්වන කෙනෙක්ට බිලියනපතියෙක් වෙන එක හීනයක් කියලා සමහර පුද්ගලයෝ හිතනවා. නමුත් ලෝකයේ වැඩිම අලෙවි වාර්තා තැබූ කෘති ගැන ඔයා අහලා ඇති. අපි බොහෝ දෙනෙක් දන්න Harry Potter කතා මාලාවේ කතුවරිය ඇයගේ ලිවීමේ කුසලතාව භාවිත කරලා බිලියන ගණන් ආදායම් උපයන තැනකට පත් වුණේ කොහොමද කියන එක ඔයාගේ හැකියාවන්වලට වටිනාකමක් ලබා දෙන්නේ කොහොමද කියලා අදහසක් ගන්න වැදගත් වෙයි.
දුෂ්කර ගමනක නොසැලී ඉදිරියට ආ හැටි
J.K. Rowling බිලියනපතිනියක් වෙන්න යොදාගත් උපක්‍රම මොනවාද කියලා දැනගන්න කලින් ඇයගේ ජීවිත කතාවේ පසුබිම මොන වගේ එකක් ද කියලා අපි බලමු.
J.K. Rowlingගේ ජීවිත ගමන එතරම් සුවපහසු එකක් වුණේ නැහැ. එංගලන්තයේ සිටින බලගතු, ධනවත් කාන්තාවන් අතරට මේ වන විට ඇය එක්ව තිබුණත් ඇය කාන්තාවක් ලෙස මුහුණ දිය හැකි දුෂ්කරතා රැසකින් පීඩාවට පත්ව සිටි අයෙක්. JK Rowling ඉපදෙනකොට එයාගේ අම්මයි, තාත්තයි බලාපොරොත්තු වුණේ පිරිමි ළමයෙක්. ඒ නිසා ගැහැණු ළමයෙක් කියලා පොඩ්ඩක් කලබල වුණා. Joanna කියලා නම තිබ්බට, වැඩිපුරම කතා කළේ Joe කියලා. ඇයට ඔවුන් සැලකුවේ පිරිමි ළමයෙක් විදියටයි. ඇය ආර්ථික අපහසුතා පිරි පවුලකින් පැවත එන කාන්තාවක් නොවුණත් ඊට වඩා වෙනස් ප්‍රශ්න රැසක් ඇයට තිබුණා.
එයාට පොඩි කාලේ ඉඳන්ම හිතුණේ, “මාව මේ පවුලේ කොන් වෙලා, මගේ අදහස් ඒගොල්ලෝ තේරුම් ගන්නේ නැහැ” වගේ දේවල්. ඇය ඒ නිසා ඉතාම තනිකමකින් පීඩා වින්දා. ඇයගේ මව සහ පියා පොත් කියවන්න හුරු වුණ අය නිසාම J.K. Rowlingටත් පොත් කියවන පුරුද්ද තිබුණා. ඇයට අවුරුදු 7ක් පමණ වන විට ඇයගේ පළමු කතාව ලියන්න ඇය උත්සහ කළා.
ඇය පාසල් ගොස් නිවසට පැමිණි විට මව සහ සහෝදරිය සමග පාසලේ සිදුවීම් බෙදාගන්න පුරුද්දක් ඇයට තිබුණා. කතන්දර කීමේ හැකියාව වැඩිදියුණු වෙන්න මෙලෙස පාසලේ සිදුවීම් මව සමග බෙදාගැනීම ඇයට රුකුලක් වී තිබුණා. කුඩා කල සිටම ලේඛිකාවක් වෙන්න සිහින දැක්ක ඇයට පවුලේ බලකිරීමත් සමග විශ්වවිද්‍යාල අධ්‍යාපනය ලබන්න සිදු වුණා. විශ්වවිද්‍යාලයේ ඉගෙන ගන්න කාලයේ පවා ඇය පුස්තකාලයට ගොස් ඇය ඉගෙන ගත් ප්‍රංශ භාෂාවට අමතරව වෙනත් ක්ෂේත්‍ර රැසක් ගැන පොත් කියවන්න යොමු වුණා.
1990 දවසක ඇය Manchester සිට London දක්වා දුම්රියේ ගමන් කරන අතරතුර ඇයගේ සිතට එකපාරට අදහසක් ආවා. ඒ තමයි මැජික් පාසලකට යන පොඩි කොල්ලෙකුගේ කතාවක්. ඒ ගමන අවසානයේ ඇයට ඉඩක් ලැබුණ ගමන්ම ඇය කොළයක් සහ පෑනක් හොයාගෙන හිතට ආව අදහස කතාවක් විදියට පෙළගස්වන්න උත්සහ කළා.
ඇය මේ කතාව පොතක් විදියට ලියන්න පටන් ගත්තා. ඒත් පොත ලියලා ඉවර කරන්න කලින් ඇයගේ මව මිය ගියා. මවගේ වියෝව ගැන ඇය පවසා තිබුණේ මේ වගේ දෙයක්, “අම්මා නැති වුණාට පස්සේ මගේ ජීවිතය වෙනස් වුණා. සාමාන්‍යයෙන් මම තාත්තත් එක්ක ලොකු සම්බන්ධතාවයක් නැහැ. මට මේක තදින්ම බලපෑවා. මම මානසිකව වැටුණා. මට මේ පොත ලියලා ඉවර කරන්නත් බැහැ, ඒ තරමට වැටුණා.”
පසුව ඇය පෘතුගාලයට ගොස් ගුරුවරියක් ලෙස සේවය කළා. එහිදී ලැබුණ නිදහස් සහ නිස්කලංක පරිසරය එක්ක ඇයට නැවතත් මැජික් පාසලේ කතාව ලියන්න අවස්ථාව හිමි වුණා. හැරී පොටර් කතා මාලාවේ පළමු පොත ඇය ලියා අවසන් කළේ ඒ කාලයේදියි.
පෘතුගාලයේ සිටින අතරතුර ඇය මාධ්‍යවේදියෙකු සමග විවාහ දිවියට එළඹුණා. එම විවාහ දිවිය එතරම් සාර්ථක එකක් වුණේ නැහැ. ඇය ගෘහස්ථ හිංසනයට ලක් වුණා. අවසානයේ මාස 19කින් පසු ඇය ඔහුගෙන් දික්කසාද වුණා. ඇය ඒ මොහොතේ තනි වුණේ දරුවෙකුත් සමගයි. තනි වුණ අම්මා කෙනෙක් විදියට ඇයට මුහුණ පාන්න වුණ අසීරුතා බොහොමයක් තිබුණා. ඇය මේ සියලු කරදර මැද විශාදයෙන් පවා පීඩා වින්දා.
හැරී පොටර් කතා මාලාව ගැන හිතුවොත් ඔයාට අවබෝධ වෙයි හැරීගේ චරිතය තුළත් මේ කතුවරියගේ ජීවිතයේ යම් යම් ලක්ෂණ ඇතුළත් බව. හැරී කියන්නේ අම්මා තාත්තා නැතිව තනි වුණ දරුවෙක්. එතකොට මායා පාසලට යන්න තියෙන දුම්රිය ගැන හිතලා බැලුවොත් ඔයාට මතක් වෙයි මේ කතාව ලියන්න ඇයට අදහස පහළ වුණෙත් දුම්රියක යන ගමනේදි කියලා.
කොහොම හරි ඇය සිය දරුවා සමග එංගලන්තයට පැමිණියා. මුදල් අවශ්‍ය නිසා ඇය අවන්හලක රැකියාවකට යන්න තීරණය කළා. ඇයට දරුවා නිදාගන්න මොහොතේ පමණයි ඇයගේ ලිවීම් කටයුතුවල නිරත වෙන්න අවස්ථාව ලැබුණේ. කෙසේ හෝ ඇය ලියූ කතාව ප්‍රකාශයට පත් කරන්න අවුරුදු පහකට වැඩි කාලයක් ඇයට ගත වුණා. හැම ප්‍රකාශකයෙක්ම වගේ ඇයගේ කතාව ප්‍රතික්ෂේප කළා.
නමුත් ඇයගේ වාසනාවට අවසානයේ Bloomsbury Publishing Company කියලා ප්‍රකාශන සමාගමක් ඇය ලියූ කතාව ප්‍රකාශයට පත් කරන්න කැමති වුණා. Joanna Rowling කියන නම J.K. Rowling ලෙස වෙනස් වන්නේ ද ප්‍රකාශන සමාගමේ ඉල්ලීමක් මතයි. ඒ කාලයේ කාන්තාවක් විසින් ලියූ පොතක් මිලට ගන්නවාට වඩා මිනිස්සු පෙලඹුණේ පිරිමි පුද්ගලයෙකු විසින් ලියූ පොත් මිලට ගන්න. ඒ නිසා කාන්තාවක් ද පිරිමියෙක් ද කියලා බැලු බැල්මට නොපෙනන විදියට ඇයගේ නම කෙටි කර J.K. Rowling යන නමින් Harry Potter කතාව ප්‍රකාශයට පත් කරන්න ඇය කැමති වුණා.
දුෂ්කරතා රැසක් සමග පීඩා විඳලා ප්‍රකාශයට පත් කරපු පොතට මාස පහක් යනකොටම පළවෙනි සම්මානය හිමි වුණා. පසුව British Book Awardsහි දී “Children’s Book of the Year” කියන සම්මානයත් ඇයට ලැබුණා. පොත ඉතාම ජනප්‍රිය වුණා වගේම ජාත්‍යන්තර වෙළඳ පොළට පවා පොත රැගෙන යන්න ඇයට හැකි වුණා. ඇමරිකාවේ ප්‍රකාශන සමාගම් ලංසු තබමින් හැරී පොටර් කෘතිය තමන්ගේ ප්‍රකාශනයක් ලෙස එළි දක්වන්න තරග වැදුණා. Scholastic Publishing Company කියලා ආයතනයක් යටතේ පසුව ඇයගේ පොත් ප්‍රකාශයට පත් වුණා. JK Rowlingගේ ජීවිතයේ හැරවුම් ලක්ෂ්‍යයේ ආරම්භය මෙතැන සිට ආරම්භ වුණා.
ඉහළ අලෙවියක් වාර්තා කරන්න හැරී පොටර් තෙවනි පොතට හැකි වුණා. ඒ සමගම සිනමා සමාගම්වලින් ඇයට ඉල්ලීම් ඉදිරිපත් වෙන්න පටන් ගත්තා කතාව සිනමාපටයක් විදියට එළි දක්වමු කියලා. Warner Bros සමග එක්ව හැරී පොටර් කතා මාලාව සිනමාපටයක් ලෙස ප්‍රේක්ෂකයන් වෙත ගෙන එන්නට ඇයට මාර්ගය විවර වුණේ ඒ ආකාරයටයි.
ලිවීමේ හැකියාව මුදල් බවට පත් කළ හැටි
01. ඔයා ලියන දේ විකුණන්න (Sell Your Writing)
ඔයාට ලිවීමේ හැකියාවක් තියෙනවා කියන එකයි, තව කෙනෙකුට කියලා ලියපු දේ ප්‍රකාශයට පත් කරන්න පුළුවන් කියන එකයි හැකියාවන් දෙකක්. J.K. Rowling ඇයගේ මේ කතා මාලාව විකුණන්න භාවිත කළ උපක්‍රමය තමයි ඇය අනාගතය අලෙවි කළා.
ඇය ප්‍රකාශන සමාගම්වලට කිව්වේ මේ කතාවට මීට වඩා හොඳ කතා අනාගතයේදි එකතු වෙනවා කියලයි. ඇය කිව්වා මේක කතා මාලාවක් (Series) එකක් විදියට ලියැවෙන කතාවක් කියලා. කුතුහලය පිරුණු කතා ඉදිරියේදි නිර්මාණය වෙනවා කියලා ඇය කියූ නිසා ප්‍රකාශන සමාගම් කැමති වුණා ඇයගේ පොත ප්‍රකාශයට පත් කරන්න.
ලිවීම විතරක් නෙමෙයි, ඔයාට තියෙන ඕනම හැකියාවක් මුදල් බවට පරිවර්තනය කරගන්න නම් ඒක විකුණන කලාව ඔයා දැනගෙන ඉන්න ඕන.
02. හොඳ නිෂ්පාදනයක් සහ හොඳ අලෙවිකරණ හැකියාවක්
ඇයගේ නිෂ්පාදනය තමයි හැරී පොටර් කෘතිය. ඇය ඒ කතා මාලාව ලියුවේ වෙනස්ම ආකාරයක කතාන්දරයක් විදියට, මායා පාසලක් ගැන කතාවක් විදියට. එංගලන්තය පුරා හොඳින් මේ පොත අලෙවි වෙන්න පටන් ගත්තා. ඒත් සමගම ඇයට හැකි වුණා එංගලන්තයෙන් පිටට ඇයගේ පොත රැගෙන යන්න. ඒකට ඇය ප්‍රකාශන සමාගම් පසුපස යන්න අවශ්‍ය වුණේ නැහැ. ඔවුන් ඇය ළඟට එන මට්ටමට ඇයගේ කෘතිය හොඳ නිෂ්පාදනයක් වුණා.
විශේෂයෙන්ම කුතුහලය සහ කල්පිත ලෝකයක් ඇතුළෙ සිදු වන මේ කතාවේ වෙනස් බව නිසාම වැඩි වැඩියෙන් මිනිස්සු හැරී පොටර් කතාව මිලට ගන්න වුණා. ඔයාට වුණත් හොඳ නිෂ්පාදනයක් වෙළඳ පොළට හඳුන්වා දෙන්න පුළුවන් නම් ඒක මාකට් කරගන්න එක වඩාත් පහසු වෙනවා.
03. එක් වෙළඳ පොළකින් තවත් වෙළඳ පොළකට ව්‍යාප්ත කිරීම
J.K. Rowling මේ පොත ලිව්වට පස්සේ ප්‍රකශයට පත් කරද්දි හැම රටකම පොත එක වර ප්‍රකාශයට පත් කරන්න උත්සහ කළේ නැහැ. ඇය මුලින්ම තමන්ගේ මව් රට වන එංගලන්තයෙන් පටන් ගත්තා, එහිදී අතිවිශාල ජනප්‍රියත්වයත් හැරී පොටර් කෘතියට ලැබෙන්න ඇය ඉඩ හැරියා.
ඉන්පසුව තමයි ඇය තමන්ගේ නිෂ්පාදනය වෙනත් රටවල් කරා ව්‍යාප්ත කරන්න පටන් ගත්තේ. මේ විදියට රටවල් ගණනාවකට, භාෂා ගණනාවකින් ඇයගේ කෘතිය ව්‍යාප්ත කරන්න ඇයට හැකි වුණා.
04. විවිධාංගීකරණය (diversification)
ඇය පොතක් ලියුවට එය සිනමාපටයක් බවට පත් කරන්න බලාපොරොත්තුවෙන් හිටියේ නැහැ. නමුත් ඇය පොත ලියූ පසුව එයට හිමි වූ ජනප්‍රියත්වය සමග මේ කතාව සිනමාවට නගන්න ඇයට ඉල්ලීම් ඉදිරිපත් වුණ බව මේ ලිපියේ මින් පෙරදී සඳහන් වුණා.
ඇය හිතුවා නම් ඇයට ඕන වුණේ පොතක් ලියන්න විතරයි, එතැනින් නතර වෙනවා කියලා ඇගේ කතාව මීට වඩා වෙනස් වෙන්න ඉඩ තිබුණා. ඒත් ඇය වෙළඳ පොළට රැගෙන ගිය ඇගේ කෘතිය, සිනමාපටයක් බවට පරිවර්තනය කරන්න එකඟ වුණා.
නිෂ්පාදනයක් වෙළඳ පොළට නිකුත් කළාට පසුව එකම විදියට ඒ නිෂ්පාදනය තබා ගන්න උත්සහ කරන්න එපා. එය විවිධාංගීකරණයට ලක් කරන්න. එය ද එක වර කරන්න යන්න එපා. J.K. Rowling තමන්ගේ කෘතිය භාවිතයෙන් සිනමාපටයක් නිර්මාණයට පෙලඹුණේ ඇගේ කෘතිය මිනිසුන් අතරට ගියාට පසුවයි.
මේ ක්‍රමවලට අනුව වෙළඳ පොළ ජයගන්න ඇයට හැකි වුණ නිසා ඇය බිලියනපතිනියක් බවට පත් වුණා. ඔයාට තියෙන හැකියාවන්වලින් කරන්න දෙයක් නෑ කියලා මෙච්චර කල් හිතාගෙන හිටියා නම් දැන් ඔයාගේ ඒ සිතුවිල්ල වෙනස් වෙන්න ඇති.
ඔයාගේ හැකියාවන්ගෙන් උපරිම ප්‍රයෝජන අරන් ඒ හැකියාවට සුදුසු වටිනාකමක් දෙන්නේ කොහොමද කියලා මේ ලිපියෙන් ඔයාට අදහසක් ලැබෙන්න ඇති. ඔයාට Personal Brand එකක් ගොඩනගාගන්න අවශ්‍ය නම්, ඔයාගේ හැකියාවන් තවදුරටත් වර්ධනය කරගන්න අවශ්‍ය නම් ඒ සඳහා දැනුම වැඩිදියුණු කරගන්න පහළ Link එකට පිවිසෙන්න.
https://school.lokubusiness.lk
July 2, 2025
