ඉහළ පෙළේ තනතුරක්, රැකියාවක්, ඉහළ ආදායමක්, නිවසක් ඉදිකිරීම, විවාහ වීම, ආදී දේවල් ගැන අද වෙනකොට සමාජයෙන්, වැඩිහිටියන්ගෙන් එන පීඩනයත් එක්ක තරුණ පරම්පරාව දැඩි ආතතියකින් ඉන්නවා. අවුරුදු 25 වෙද්දි මිලියනපතියෙක් වෙන්න, පාසල් ජීවිතය අවසන් වුණ ගමන් හෝ විශ්වවිද්‍යාල අධ්‍යාපනය නිම වුණ ගම හොඳ ආයතනයකට යන්න, තරුණ වයසින්ම ව්‍යාපාරයක් පටන් ගන්න, ඉහළ වැටුප් සහිත රැකියාවකට යන්න කියලා ඔයාටත් සමාජයෙන් විශාල පීඩනයක් එල්ල වෙනවා ඇති. මේ නිසාම, තමන් අන් අයට වඩා පිටුපසින් ඉන්නවා කියන හැඟීම ඔයාගේ හිතට එන්න පුළුවන්. අධ්‍යයනවලින් පෙන්වලා තියෙනවා 40%ක් මිනිස්සු හිතනවා තමන් ජීවිතයේ සෑහෙන පිටුපසින් ඉන්නවා කියලා. ඇත්තටම පුද්ගලයෙක් සාර්ථක වෙන්න නිශ්චිත වයසක් තියෙනවාද?
Rich Karlgaard ලියූ Late Bloomers නම් පොත මේ එල්ලවන සමාජ පීඩනය සහ සාර්ථකත්වයට පත්වීමේ වයස සම්බන්ධයෙන් අපූරු විග්‍රහයක් කරනවා. අපි බලමු මොනවද මේ ගැන ඒ පොතේ සඳහන් වෙන්නේ කියලා.
අද මිනිස්සු අවධානය යොමු කරන්නේ තමන්ට අවශ්‍ය දේවල්වලට නෙමෙයි. තමන්ට තියෙන දේ අනිත් කෙනාට පෙන්වන්න, අනිත් කෙනාට වඩා තමන් කොච්චර දේවල් කරලා තියෙනවද කියලා පෙන්වන්න තමයි බොහෝ දෙනෙක් උත්සාහ කරන්නේ. වෙන විදියකින් කිව්වොත්, අනිත් අයට වඩා කලින් සාර්ථක වෙන්න, සුභෝපභෝගී ජීවිතයක් ගත කරන්න, වාහන ගන්න, මේ හැමදේම පසුපස අපි දුවන්නේ අපිට ඒ දේවල් ඕන නිසා නෙමෙයි, අනිත් අයට පෙන්වන්නයි.
සමාජ මාධ්‍ය හරහා අපි දකින tech billionaires, celebrity musicians, influencers වැනි අය දැකලා, ඔයා හිතන්න පුළුවන් ඔයාටත් ඒ වගේ වෙන්න ඕන කියලා. “බලන්න ඒ තරුණ වයසේදී මම කොච්චර පිටිපස්සෙන්ද ඉන්නේ” කියලා ඔයාට හිතෙන්න පුළුවන්. මේ වගේ සැසඳීම් කිරීම ඔයාට විශාල මානසික පීඩනයක් ඇති කරනවා කියලා මේ පොතේ සඳහන් වෙනවා.
අපි නිතරම අන් අය සමඟ අපිව සංසන්දනය කරනවා. “අරයාට කලින් මම කොහොමද
ඉහළ පෙළේ තනතුරක්, රැකියාවක්, ඉහළ ආදායමක්, නිවසක් ඉදිකිරීම, විවාහ වීම, ආදී දේවල් ගැන අද වෙනකොට සමාජයෙන්, වැඩිහිටියන්ගෙන් එන පීඩනයත් එක්ක තරුණ පරම්පරාව දැඩි ආතතියකින් ඉන්නවා. අවුරුදු 25 වෙද්දි මිලියනපතියෙක් වෙන්න, පාසල් ජීවිතය අවසන් වුණ ගමන් හෝ විශ්වවිද්‍යාල අධ්‍යාපනය නිම වුණ ගම හොඳ ආයතනයකට යන්න, තරුණ වයසින්ම ව්‍යාපාරයක් පටන් ගන්න, ඉහළ වැටුප් සහිත රැකියාවකට යන්න කියලා ඔයාටත් සමාජයෙන් විශාල පීඩනයක් එල්ල වෙනවා ඇති. මේ නිසාම, තමන් අන් අයට වඩා පිටුපසින් ඉන්නවා කියන හැඟීම ඔයාගේ හිතට එන්න පුළුවන්. අධ්‍යයනවලින් පෙන්වලා තියෙනවා 40%ක් මිනිස්සු හිතනවා තමන් ජීවිතයේ සෑහෙන පිටුපසින් ඉන්නවා කියලා. ඇත්තටම පුද්ගලයෙක් සාර්ථක වෙන්න නිශ්චිත වයසක් තියෙනවාද?
Rich Karlgaard ලියූ Late Bloomers නම් පොත මේ එල්ලවන සමාජ පීඩනය සහ සාර්ථකත්වයට පත්වීමේ වයස සම්බන්ධයෙන් අපූරු විග්‍රහයක් කරනවා. අපි බලමු මොනවද මේ ගැන ඒ පොතේ සඳහන් වෙන්නේ කියලා.
තමන්ට අවශ්‍ය දෙයට අවධානය නොදීම
අද මිනිස්සු අවධානය යොමු කරන්නේ තමන්ට අවශ්‍ය දේවල්වලට නෙමෙයි. තමන්ට තියෙන දේ අනිත් කෙනාට පෙන්වන්න, අනිත් කෙනාට වඩා තමන් කොච්චර දේවල් කරලා තියෙනවද කියලා පෙන්වන්න තමයි බොහෝ දෙනෙක් උත්සාහ කරන්නේ. වෙන විදියකින් කිව්වොත්, අනිත් අයට වඩා කලින් සාර්ථක වෙන්න, සුභෝපභෝගී ජීවිතයක් ගත කරන්න, වාහන ගන්න, මේ හැමදේම පසුපස අපි දුවන්නේ අපිට ඒ දේවල් ඕන නිසා නෙමෙයි, අනිත් අයට පෙන්වන්නයි.
සමාජ මාධ්‍ය හරහා අපි දකින tech billionaires, celebrity musicians, influencers වැනි අය දැකලා, ඔයා හිතන්න පුළුවන් ඔයාටත් ඒ වගේ වෙන්න ඕන කියලා. “බලන්න ඒ තරුණ වයසේදී මම කොච්චර පිටිපස්සෙන්ද ඉන්නේ” කියලා ඔයාට හිතෙන්න පුළුවන්. මේ වගේ සැසඳීම් කිරීම ඔයාට විශාල මානසික පීඩනයක් ඇති කරනවා කියලා මේ පොතේ සඳහන් වෙනවා.
වැරදි සංසන්දනය කිරීම්
අපි නිතරම අන් අය සමඟ අපිව සංසන්දනය කරනවා. “අරයාට කලින් මම කොහොමද මේ දේ කරන්නේ?” වගේ ප්‍රශ්න ඔයාගේ හිතට එන්න පුළුවන්. හැබැයි මේ පොත කියනවා, “අපි කාටවත් human measurement එකට යන්න බැහැ” කියලා. ඒ කියන්නේ, සංසන්දනය කිරීමට ඔයා unique වැඩියි. ඒක හරියට ඇපල් ගෙඩියක් එක්ක දොඩම් ගෙඩියක් සසඳා බලනවා වගේ දෙයක්.
පාසලේදී වුණත් පොතක් ගේන්න අමතක වුණ ළමයෙක්ව මෝඩ ළමයෙක්, ඉගෙනගන්න ඕනකමක් නැති ළමයෙක් කියලා පොත ගෙනා ළමයෙක් එක්ක සංසන්දනය කරනවා. හැබැයි පොතක් ගෙනාවේ නෑ කියලා ඒ ළමයා අදක්ෂ ළමයෙක් විදියට සලකන්න පුළුවන්ද? බැහැ. ඒ සංසන්දනය වැරදියි. මේකෙන් පොත පැහැදිලි කරන්නේ, අපේ ජීවිතවලදී අපි නිතරම වැරදි සංසන්දනයන් කරන බවයි. එයත් අපේ සාර්ථකත්වය සම්බන්ධයෙන් අනවශ්‍ය පීඩනයක් අප තුළ හටගන්න හේතුවක් වෙනවා.
ප්‍රමාද වී සාර්ථක වීමේ වාසි
ඔයා හිතනවාට වඩා පරක්කු වී සාර්ථක වීම සාමාන්‍ය දෙයක්. ලෝකයේ ප්‍රසිද්ධ මිලියනපතියන් හැමෝම අවුරුදු 25න්ම සාර්ථක වුණේ නැහැ. උදාහරණ විදියට, Julia Child වයස අවුරුදු 50 දී ලෝක ප්‍රසිද්ධ chef කෙනෙක් වුණා. J.K. Rowling, Harry Potter ලිවීමට පෙර ඇයගේ තරුණ වයසෙදි පවා බොහෝ අභියෝගවලට මුහුණ දුන්නා. Albert Einstein ඉස්කෝලේදී හෙමින්, මන්දගාමීව ඉගෙන ගන්න කෙනෙක් කියලා හැඳින්වුවත් අවසානයේ ඔහු ඉතිහාසයේ විශිෂ්ටතම විද්‍යාඥයෙක් වුණා.
Late Bloomers පොත අනුව, ටිකක් පරක්කු වෙලා සාර්ථක වන අයට වාසි හයක් හිමි වෙනවා.
කුතුහලය (Curiosity): පරක්කු වී සාර්ථක වන අයට, ඉක්මනින් සාර්ථක වූ කෙනෙකුට වඩා කුතුහලය වැඩියි. ඔවුන්ට අවස්ථා හොයන්න, අලුත් දේවල් ඉගෙන ගන්න උනන්දුවක් දක්වනවා. මේ නිසා ඔවුන්ට අලුත් දේවල් සොයාගන්න වගේම මෙතෙක් ලෝකයේ නොතිබූ අලුත් දේවල් ලොවට ඉදිරිපත් කරන්නත් හැකියාව ලැබෙනවා.
තේරුම් ගැනීම: පරක්කු වී තමන්ගේ සාර්ථකත්වය කරා යන පුද්ගලයෝ අභියෝග හා දුෂ්කරතා රාශියක් හරහා ගමන් කරලා තියෙන නිසා ඔවුන්ට අනිත් අයව හොඳින් තේරුම් ගන්න පුළුවන්. ඒකත් ඔවුන්ගේ සාර්ථකත්වයට හොඳ හේතුවක් වෙනවා.
ඔරොත්තු දීම: අභියෝගවලට මුහුණදීලා තියෙන නිසාම ප්‍රමාද වී සාර්ථක වෙන පුද්ගලයන්ට ඉදිරියේදී එන අභියෝගවලට පවා මුහුණ දෙන්න වැඩි ශක්තියක් තියෙනවා. ඒක ඔවුන්ගේ ඉදිරි ගමනට විශාල ආශිර්වාදයක් වෙනවා.
ආතතිය කළමනාකරණය: මානසික පීඩනය සහ ආතතිය කළමනාකරණය කරගන්න තිබෙන හැකියාවත් ප්‍රමාද වී සාර්ථක වන පුද්ගලයන් තුළ සාපේක්ෂව වැඩියි. මොකද ඔවුන් මුහුණ දුන් ප්‍රශ්න නිසා ඔවුන් කාලයක් තිස්සේ ඒවාට ශක්තිමත්ම මුහුණ දීලා කොහොමද ඒ ආතති කළමනාකරණය කරගන්නේ කියලා අත්දැකීම් ලබා තියෙනවා.
විචක්ෂණභාවය (Insights): පරක්කුවෙලා සාර්ථකත්වයට පත්වන පුද්ගලයෙක්ට වැඩිපුර ඉගෙනීමේ කාලයක් ලැබෙන නිසා අනිත් පුද්ගලයන්ට සාපේක්ෂව දැනුමක් හා දත්ත ලබා ගන්න ඔවුන්ට හැකියාව හිමි වෙලා තිබෙනවා.
ප්‍රඥාව (Wisdom): ප්‍රමාද වී සාර්ථක වෙන කෙනෙක් සාර්ථකවීමට පෙර විශාල අත්දැකීම් රැසක් ලබනවා. ඔවුන් ඒ අත්විඳින අත්දැකීම් වගේම ලබන දැනුම නිසා ඔවුන්ට හොඳ ප්‍රඥාවක් හිමි වෙනවා. ඒ වගේම නිවැරදි තීරණ ගැනීමේ හැකියාවත් ඔවුන්ට තිබෙනවා.
ඔයාට පරක්කු වෙලා සාර්ථක වෙන්න සිද්ධ වෙනවා නම්, මතක තියාගන්න, ඔයා අයිති වෙන්නේ “Late Bloomers” කියන කොටසටයි. ලෝකයේ සෑහෙන පිරිසක් මේ කොටසට අයිති වෙනවා. පරක්කුවෙලා සාර්ථක වෙනවා කියන්නේ වැරද්දක් නෙමෙයි, සාමාන්‍ය දෙයක්.
මේ පොතෙන් දෙන ප්‍රධාන පණිවිඩය තමයි, ඔයාගේ වයස කියන ඉලක්කම වෙනුවට ඔයාගේ වටිනාකම් සහ ඔයාට ලැබුණ දේවල් ගැන හිතන්න, සමාජයෙන් එල්ල වන පීඩනයට වඩා ඔයාව ඔයාට වැදගත් කියන එක. ඒ වගේම ඔයාව වෙනත් අය සමග සසඳන්න එපා. ඒකෙන් ඔයා තුළ අනවශ්‍ය පීඩනයක් හටගන්නවා.
ඔයාට සාර්ථක වෙන්න තවමත් කල් තියෙනවා. අත්හරින්න එපා. ඔයාගේ හැකියාවන්, දැනුම වැඩිදියුණු කරගෙන සාර්ථකත්වය කරා ගමන් කරන්න. ඒ සඳහා ඔයාට අවශ්‍ය දැනුම, හැකියාවන් වර්ධනය කරගන්න පහළ Link එක Click කරන්න.
https://school.lokubusiness.lk/p/home
August 4, 2025
