ඔයා වැඩිපුරම අවධානය යොමු කරන දේවල් ආකර්ෂණ නීතිය එහෙම නැත්නම් Law of Attraction මගින් ලබාගැනීමේ හැකියාව තියෙනවා. ඒක හැම මොහොතකම සතුට සහ ධනාත්මක දේවල්ම වෙන්නේ නැහැ. සෘණාත්මක දේවල් පවා මේ හරහා ආකර්ෂණය වෙනවා. ආකර්ෂණ නීතියෙන් ධනාත්මක දේවල් විතරක් ලැබෙනවා කියලා ඔයා හිතාගෙන ඉන්නවා නම් සහ ආකර්ෂණ නීතිය අනුගමනය කරලත් ඔයාගේ ජීවිතේට ප්‍රශ්න ගොඩක් එන්නේ ඇයි කියලා හිතිලා තියෙනවා නම් අනිවාර්යෙන්ම මේ ලිපිය අවසන් වෙනකම් කියවන්න. 

Rhonda Byrne විසින් රචිත The Secret පොත ඇසුරෙන් තමයි මේ ලිපිය සකසලා තියෙන්නේ. මේ ලිපියෙන්, ආකර්ෂණ නීතිය ක්‍රියාත්මක වෙන්නේ කොහොමද කියන එක ගැන අවබෝධයක් ඔයාට ලබා ගන්න පුළුවන්.

ඔයා දැනුවත්ව හෝ නොදැනුවත්ව ඔයාගේ ජීවිතේ ලැබිලා තියෙන හැම දෙයක්ම වගේ ලැබෙන්න ආකර්ෂණ නීතිය හේතුවක් වෙලා තියෙනවා. ගොඩනැගිල්ලක උඩ සිට පහළට පැන්නොත්, ඔයා කැමති වුණත් අකමැති වුණත්, ඔයා හොඳ කෙනෙක් වුණත් නරක කෙනෙක් වුණත්, ඔයා බිමට වැටෙනවා. ඒ හා සමානවම ඔයා කොතැනක හිටියත්, කුමන වයසේ කෙනෙක් වුණත් ආකර්ෂණ නීතිය සෑම විටම ක්‍රියාත්මක වෙනවා.

ආකර්ෂණ නීතිය ක්‍රියාත්මක වන ආකාරය දැනගන්න නම් මුලින්ම ඔයාගේ මනස සහ ශරීරය ක්‍රියා කරන ආකාරය ගැන අවබෝධයක් ඔයාට තියෙන්න ඕන. අපි බලමු කොහොමද ඒක වෙන්නේ කියලා.

මනස සහ ශරීරය ක්‍රියා කරන ආකාරය

උඩු සිත (Conscious Mind) සහ යටි සිත (Subconscious Mind) ලෙස මනස කොටස් දෙකකට බෙදිය හැකියි. දැකීම, ඇසීම, රසය, ස්පර්ශය, සිතීම, ඉගෙනීම, පරිකල්පනය, සිතුවිලි මේ හැම දෙයක්ම උඩු සිත මගින් සිදු වන දේවල්. ආකර්ෂණ නීතියේ ආරම්භයේ තියෙන්නේ මෙතැනයි. උඩු සිතට ඔයාගේ ජීවිතේ අවශ්‍ය සහ අවශ්‍ය නැති දේවල් හඳුනාගන්න හැකියාව තියෙනවා. උඩු සිතේ ඇති වන සිතුවිලි ඔයාට විවිධ දේවල් පිළිබඳව අවශ්‍යතාවක් ඇති කරනවා. 

උඩු සිත විසින් ඇති කරන මෙම අවශ්‍යතාව යටි සිත තුළ ආශාවක් (Desire) බවට පත් වෙනවා. හිතන්න, තර්ක කරන්න වගේ දේවල් යටි සිතේ කාර්යක් නෙමෙයි. උඩු සිතෙන් ඇතුළට ගත්ත හොඳ හෝ නරක ඕනම දෙයක් යටි සිත විසින් ඔයාට ආකර්ෂණය කරලා දෙනවා. 

ඔයාට Business එකක් පටන් ගන්න අවශ්‍යතාව තිබුණට ඔයාට ඒක පටන් ගන්න බැහැ. ඒ අවශ්‍යතාව යටි සිතට ඇතුළු වෙලා ආශාවක් බවට පරිවර්තනය වුණොත් තමයි ඒක ඔයාට ආකර්ෂණය වෙන්න ගන්නේ. ඒ කියන්නේ, යටි සිත ඔයාගේ ශරීරයෙන් කම්පනයක් (Vibration) නිකුත් කරනවා ඔයාගේ ආශාවට අනුව. ඒ කම්පනයට අනුව ඔයා ක්‍රියාත්මක වෙද්දි එම කම්පනයට සමාන දේවල් ඔයාගේ ජීවිතයට ආකර්ෂණය වෙන්න පටන් ගන්නවා.

ඔයාගේ ශරීරය කියන්නේ ඔයාගේ මනසේම නිර්මාණයක් කියන්න පුළුවන්. යටි සිතේ තියෙන ආශාව බාහිර ලෝකයට පෙන්නන්න සහ ආකර්ෂණය කරගන්න භෞතික දෙයක් ඔයාට අවශ්‍යයි. ඒ සඳහා තමයි ඔයාගේ ශරීරය යොදාගන්නේ.

සිතුවිලිවල බලය (The Power of Thoughts)

ඔයාගේ සිතුවිලි ඔයගේ ජීවිතයට විශාල බලපෑමක් ඇති කරනවා. “සිතුවිලි දේවල් බවට පත්වේ” කියලා කියන්නේ ආකර්ෂණ නීතියේ මූලිකම සංකල්පයක්. The Secret පොතේ සඳහන් වෙනවා, ඔයාගේ සිතුවිලි ඔයාගේ ඉලක්ක සමග ගැළපෙනව ද නැද්ද කියන එක ඔයාගේ හැඟීම් (Emotions/ Feelings) මගින් පෙන්නුම් කරනවා කියලා. 

Positive Emotions සහ Negative Emotions විදියට Emotions වර්ග

Share this post: