මිලියනපති සිහින අපි හැමෝටම වගේ තියෙනවා. මේක කියවන ඔයාටත් ඒ වගේ සිහිනයක් ඇති. ඒත් තනි පුද්ගලයෙක් විදියට යන වියදම්, පවුලේ අය වෙනුවෙන් කරන වියදම් එක්ක බලනකොට ඔයාට සමහරවිට ඉතුරුවක් නැතුව ඇති. එහෙම නැත්නම් ඔයා ඉතිරි කරගත් මුදල අසනීපයක් නිසා හෝ හදිසි අවස්ථාවක් නිසා වියදම් කරන්න වුණ අවස්ථා ඇති. ඒ වගේ වෙලාවට කවදා නම් තමන් ආස කරන ජීවිතය ගත කරන්න ලැබෙයි ද කියන සිතුවිල්ල ඕනම කෙනෙක්ට එනවා.
මේ ලිපිය කියවන ඔයාට ඒ වගේ සිතුවිලිවලින් තවදුරටත් පීඩා විඳින්න ඕන වෙන්නේ නැහැ. ඔයාට මිලියනපතියෙක් වෙන්න සිහිනයක් තියෙනවා නම් ඒ සිහිනයට වේගයෙන් ගමන් කරන්නේ කොහොමද කියන එක මේ ලිපියෙන් දැනගන්න පුළුවන්.
M.J. DeMarco ලියූ The Millionaire Fastlane කියන පොත ඇසුරෙන් සැකසෙන මේ ලිපියේ සඳහන් වෙනවා මිලියනපතියෙක් වීමේ ගමන වේගවත්ව යන්න අවශ්‍ය කරන සංකල්ප 04ක් ගැන.
‘ඉක්මන කොටයි’ කියලා කතාවක් ඔයා අහලා ඇති. සල්ලි හොයනකොට ගොඩක් දෙනෙක් කියන දෙයක් තමයි ඉක්මන් වෙන්න එපා කියලා. ඒත් The Millionaire Fastlane කියන ලොව වැඩිම අලෙවි වාර්තා තැබූ පොත කියන්නේ ඊට වඩා වෙනස් දෙයක්. නිකන් ඉඳලා මිලියනපතියෙක් වෙන්නෙ කොහොමද කියන එක ගැන මේ පොතේ කතා කරන්නේ නැහැ. යම් දෙයක් කරමින් වේගයෙන් එම ඉලක්කය කරා ළඟා වන්නේ කොහොමද කියන එක තමයි මේ පොතේ පැහැදිලි කරන්නේ.
අපි දැන් බලමු මිලියනපතියෙක් වෙන්න යන ගමන වේගවත් කරන සංකල්ප 04 මොනවාද කියලා.
මිලියනපති සිහින අපි හැමෝටම වගේ තියෙනවා. මේක කියවන ඔයාටත් ඒ වගේ සිහිනයක් ඇති. ඒත් තනි පුද්ගලයෙක් විදියට යන වියදම්, පවුලේ අය වෙනුවෙන් කරන වියදම් එක්ක බලනකොට ඔයාට සමහරවිට ඉතුරුවක් නැතුව ඇති. එහෙම නැත්නම් ඔයා ඉතිරි කරගත් මුදල අසනීපයක් නිසා හෝ හදිසි අවස්ථාවක් නිසා වියදම් කරන්න වුණ අවස්ථා ඇති. ඒ වගේ වෙලාවට කවදා නම් තමන් ආස කරන ජීවිතය ගත කරන්න ලැබෙයි ද කියන සිතුවිල්ල ඕනම කෙනෙක්ට එනවා.
මේ ලිපිය කියවන ඔයාට ඒ වගේ සිතුවිලිවලින් තවදුරටත් පීඩා විඳින්න ඕන වෙන්නේ නැහැ. ඔයාට මිලියනපතියෙක් වෙන්න සිහිනයක් තියෙනවා නම් ඒ සිහිනයට වේගයෙන් ගමන් කරන්නේ කොහොමද කියන එක මේ ලිපියෙන් දැනගන්න පුළුවන්.
M.J. DeMarco ලියූ The Millionaire Fastlane කියන පොත ඇසුරෙන් සැකසෙන මේ ලිපියේ සඳහන් වෙනවා මිලියනපතියෙක් වීමේ ගමන වේගවත්ව යන්න අවශ්‍ය කරන සංකල්ප 04ක් ගැන.
‘ඉක්මන කොටයි’ කියලා කතාවක් ඔයා අහලා ඇති. සල්ලි හොයනකොට ගොඩක් දෙනෙක් කියන දෙයක් තමයි ඉක්මන් වෙන්න එපා කියලා. ඒත් The Millionaire Fastlane කියන ලොව වැඩිම අලෙවි වාර්තා තැබූ පොත කියන්නේ ඊට වඩා වෙනස් දෙයක්. නිකන් ඉඳලා මිලියනපතියෙක් වෙන්නෙ කොහොමද කියන එක ගැන මේ පොතේ කතා කරන්නේ නැහැ. යම් දෙයක් කරමින් වේගයෙන් එම ඉලක්කය කරා ළඟා වන්නේ කොහොමද කියන එක තමයි මේ පොතේ පැහැදිලි කරන්නේ.
අපි දැන් බලමු මිලියනපතියෙක් වෙන්න යන ගමන වේගවත් කරන සංකල්ප 04 මොනවාද කියලා.
01. මිලියනපතියෙක් වෙන්න යන්න පුළුවන් මාර්ග 03
01. Sidewalk (පදික වේදිකාව): මේ මාර්ගයේ ගමන් කරන පුද්ගලයන්ගේ මුදල් සියල්ල වියදම් වන අතර, මූල්‍ය නිදහස (Financial Freedom) පිළිබඳ සංකල්පය ඔවුන්ට අත් කර ගැනීමට නොහැකියි. ඔවුන් ඒ ගැන හිතන්නේවත්, දන්නේවත් නැහැ.
02. Slowlane (මන්දගාමී මාවත): ලෝකයේ අති බහුතරයක් දෙනා පුරුදු වී ඉන්නේ මේ මාර්ගයේ ගමන් කිරීමට. මොවුන් ගොඩක්ම මහන්සි වන්නේ උපයන මුදල් ඉතිරි කිරීමටයි. ඒ වගේම කොටස් වෙළඳ පොළේ ආයෝජනය කිරීම වැනි දේවල්වලට ඔවුන් යොමු වෙනවා. එසේ කිරීම වැරැද්දක් නොවන බව පොතේ පැහැදිලිව සඳහන් කරනවා. නමුත් Slowlane හි ප්‍රශ්නය වන්නේ, කාලය අධිකව ගත වීමයි. එබැවින් මූල්‍ය නිදහස ලැබෙන විශාල කාලයක් බලාසිටීමට සිදු වෙනවා.
03. Fastlane (වේගවත් මාවත): මෙම මාර්ගයේ යාමට නම්, ඔයා විසින් කළ යුතු දේවල් කිහිපයක් තියෙනවා. ඔයා කුමන රැකියාවක් හෝ ව්‍යාපාරයක් කළත්, එය Fastlane එකට අයත් වෙනවා කියලා හිතන්න එපා. මේ පොත පැහැදිලිවම කියන්නේ ඔයා Fastlane එකේ යන්න නම් ව්‍යාපාරයක් කළ යුතුයි කියලා. Fastlane එකට අයත් ව්‍යාපාරවලට විශේෂිත වූ ගුණාංග, ලක්ෂණ සහ හැඩතල තිබෙනවා.
පාසල්, විශ්වවිද්‍යාල සහ දෙමාපියන් ඇතුළු වැඩිහිටියන් ඔයාව වැඩිපුරම යොමු කරන්නේ Slowlane එකට බවත්, Fastlane සහ අනෙකුත් මාර්ග අතර වෙනස ඔයා තේරුම් ගත යුතු බවත් මේ පොත අවධාරණය කරනවා.
02. CENT Framework
පළවෙනි සංකල්පයෙන් පැහැදිලි වෙන්න ඇති ඔයාට Fastlane එකේ යන්න අවශ්‍ය නම් ව්‍යාපාරයක් කරන්න ඕන කියන එක. මේ සංකල්පයෙන් පැහැදිලි කරනවා ඔයාගේ ඒ ව්‍යාපාරයට තිබිය යුතු ලක්ෂණ මොනවාද කියන එක ගැන.
C – Control (පාලනය): ඔයා ව්‍යාපාරයේ පාලනය ඔයා සතුව තියෙන්න ඕන. එහි පාලනයෙන් ලොකු ප්‍රතිශතයක් ඔයා සතුව නැත්නම් අනිවාර්යයෙන් වෙන කෙනෙක්ගේ අතේ තමයි ඔයාගේ ව්‍යාපාරයේ පාලනය තියෙන්නේ.ව්‍යාපාරයක් පාලනය කළ යුත්තේ කෙසේද සහ කුමන ආකාරයේ දේවල් පාලනය කළ යුතුද යන්න වැඩිදුර විස්තර පොතේ සඳහන් වෙනවා.
E- Entry (ප්‍රවේශය): වෙනත් අයෙකුට ඔයාගේ ව්‍යාපාරයට ප්‍රවේශ වීම (entry) කෙතරම් පහසු ද කියන එක වැදගත් කාරණයක්. පහසුවෙන් ඇතුළු විය හැකි ව්‍යාපාරයක් සාමාන්‍යයෙන් Fastlane එකට අයත් වන්නේ නැහැ. එම ප්‍රවේශය අපහසු කරන්නේ කෙසේ ද කියන එක ඔයා දැනගන්න අවශ්‍යයි. ඒ සඳහා ඔයා entry barriers හදාගන්න ඕන.
N – Need (අවශ්‍යතාව): ඔයාගේ ව්‍යාපාරය පාරිභෝගිකයන්ගේ දැවෙන අවශ්‍යතාවයක් (burning need) සපුරාලන එකක් වෙන්න ඕන. මිනිස්සුන්ට තියෙන ප්‍රශ්නයකට විසඳුමක් ඔයාගේ ව්‍යාපාරය තුළින් දෙන්න ඔයාට හැකියාව තියෙන්න අවශ්‍යයි.
T – Time (කාලය): ඔයා වැඩ කරන එක නැවැත්වුවොත් ඔයාගේ ආදායම නවතිනවා ද? ඔයා නිවාඩුවක් ගත්තොත් ඒ දවසට හෝ සතියට ආදායමක් ලැබෙන්නේ නැද්ද? එහෙම නම්, ඔයා ඉන්නේ Fastlane එකේ නෙමෙයි. ඔයාගේ ආදායම ඔයා වැඩ කරන කාලය සමග කෙළින්ම සම්බන්ධ නොවීමට නම් යම් යම් වෙනස්කම් කරන්න ඕන.
03. The Wealth Trinity
සැබෑ ධනය යනු, සුඛෝපභෝගී මෝටර් රථ, මිල අධික ඔරලෝසු හෝ ඇඳුම් පැළඳුම්වලින් මනිනු ලබන දෙයක් නෙමෙයි. “Wealth Trinity” සංකල්පය ඔස්සේ ධනය මැනීම සඳහා කරුණු තුනක් ඉදිරිපත් කරනවා.
සැබෑ ධනය (True Wealth) = පවුල (Family) + යෝග්‍යතාවය (Fitness) + නිදහස (Freedom)
පවුල (Family): ඔයාගේ පවුලේ අය නිරෝගීව සහ කරදරයකින් තොරව සිටීම
යෝග්‍යතාව (Fitness): ඔයාගේ ජීවිතය භුක්ති විඳීමට ශාරීරිකව හා මානසිකව නිරෝගීව සිටීම
නිදහස (Freedom): ඔයාගේ කාලය නිදහසේ භුක්ති විඳීමට හැකි වීම
ඉහතින් සඳහන් කළ පවුල, යෝග්‍යතාව, සහ නිදහස කියන කරුණු තුනම ඔයාගේ ධනයේ කොටසක් කියලා මේ පොතේ සඳහන් වෙනවා.
04. මුදල් ගස් වගා කරන්න
දෙවනි සංකල්පයෙන් ඔයා ඉගෙනගත්තා CENT Framework එක ගැන. එහි T අක්ෂරයෙන් කියැවුණේ ආදායම ඔයා වැඩ කරන කාලය මත පමණක් රඳා නොපවතින ව්‍යාපාර ආකෘති ගොඩනගා ගත යුතුයි කියන එක.
මේ හතරවෙනි සංකල්පයෙන්, T අක්ෂරයෙන් කියවුණ ආකාරයට කාලය මත රඳා නොපවතින ව්‍යාපාර ආකෘති (Business Models) හදාගන්න උදාහරණ මේ පොතේ පැහැදිලි කරනවා. ඒ වගේ උදාහරණ කිහිපයක් ගැන අපි දැන් දැනගනිමු.
1. Rental Systems
මෙයින් අදහස් වෙන්නේ, Real Estate, Licensing, Intellectual Property වගේ ව්‍යාපාර ගැන. මෙතැනදි කාලය කියන එක ඔයාගේ ආදායමට බාධාවක් වෙන්නේ නැහැ. ඔයා දවස් කීපයක්, සති කීපයක් වැඩ නොකර හිටියා කියලා ඔයාගේ ආදායම මේ වගේ ව්‍යාපාර අකෘතියකදි නතර වෙන්නේ නැහැ.
2. Distribution Systems
ගැනුම්කරු (Buyer) සහ විකිණුම්කරු (Seller) එකිනෙකා හා සම්බන්ධ කරන Platforms තමයි Distribution Systems කියන එකෙන් අදහස් වෙන්නේ. උදාහරණ විදියට Google, Amazon, Meta, Microsoft වගේ Platforms හඳුන්වා දෙන්න පුළුවන්.
3. Software Systems
Apps, Tools, Digital Products සම්බන්ධ ව්‍යාපාර ගැන තමයි Software Systems කියන එකෙන් අදහස් වෙන්නේ. උදාහරණයක් විදියට හිතන්න ඔයාගේ ව්‍යාපාරය App නිර්මාණය කිරීමටම වෙන්වූ එකක් කියලා. ඒ ව්‍යාපාරය මගින් හොඳ ආදායමක් ලැබෙන App කීපයක්ම නිර්මාණය කරලා තියෙනවා නම් ඔයා වැඩ නොකර හිටියත් Apps වැඩ කරනවා. ඔයාට ඒ තුළින් ආදායම හිමි වෙනවා.
4. Content Systems
තාක්ෂණයේ දියුණුවත් සමග විවිධ වර්ගයේ අන්තර්ගතයන් (Contents) නිර්මාණය වෙනවා අපිට දකින්න පුළුවන්. ඒ තුළින් ව්‍යාපාරික අවස්ථා රැසක් විවෘත වෙලා තියෙනවා.
උදාහරණ විදියට පොත්, පාඨමාලා, YouTube Channels, Podcast වගේ Contents හඳුන්වන්න පුළුවන්.
මේ ආකාරයට ‘මුදල් ගස්’ සංකල්පය මගින් ඔයාට පුළුවන් කාලය මත යැපෙන්නේ නැතිව ආදායම් උත්පාදනය කරන ව්‍යාපාර ආකෘති ගොඩනගා ගන්න.
මේ පොත ඔයාට කියලා දෙන්නේ මිලියනපතියෙක් වෙන ගමන වේගවත් කරගන්න ආකාරය. මේ ලිපියෙන් ඔයාට දැනගන්න ලැබුණේ මේ පොතේ තියෙන දැනුමෙන් සාරාංශයක් විතරයි. The Millionaire Fastlane පොතේ මේ හැම සංකල්පයක්ම ගැඹුරින් විග්‍රහ කරනවා. ඔයාට මේ පොතේ තියෙන අන්තර්ගතය ගැන තවත් දැනගන්න වගේම දැනුම වැඩිකරගන්න අවශ්‍යයි කියලා හිතෙනවා නම් පහළ Link එක Click කරන්න. ඉක්මනින් ධනවත් වෙන්න ඔයාට තියෙන්න ඕන Mindset එක මොන වගේ ද කියලා දැනගන්න මේ Link එකේ තියෙන Free Chapter එක බලන්න.
https://school.lokubusiness.lk/p/the-millionaire-fastlane-video-book?affcode=1420258_ghpjvsre
July 18, 2025
