අපි දකිනවා ව්‍යාපාරිකයන් දෙදෙනෙකුගෙන් එක් අයෙකු පමණක් කෝටිපතියෙකු වන අයුරු, ක්‍රිකට් ක්‍රීඩකයන් දෙදෙනෙකුගෙන් එක් අයෙකු පමණක් ඉහළම දක්ෂතා දක්වන ක්‍රීඩකයෙකු වන අයුරු, විශ්වවිද්‍යාල සිසුන් කිහිප දෙනෙකුගෙන් එක් අයෙකු පමණක් ලෝකයේම අවධානය දිනාගන්නට සමත් වෙන අයුරු වගේ දේවල්. එතකොට අනෙක් අයට නොලැබුණු මේ සාර්ථකත්වය කිහිප දෙනෙකුට පමණක් ලැබෙන්නේ කොහොමද?
මෙවැනි ඉහළ දක්ෂතා දක්වන පුද්ගලයන්ගේ සාර්ථකත්වයට කරුණු දෙකක් බලපානවා.
බොහෝ විට සාර්ථක වූ පුද්ගලයන්ගේ අපට නොපෙනන බාහිර සාධක සම්බන්ධයෙන් අපි දැනුවත් නැහැ. Malcolm Gladwell ලියූ Outliers නම් පොතෙ හි පුද්ගල සාර්ථකත්වයට බලපාන බාහිර සාධක පිළිබඳව සඳහන් වෙනවා. අපි දැන් බලමු මේ පොතේ සඳහන් වන බාහිර සාධක මොනවාද කියලා.
පාසලක වයලින් වාදනය කරන සිසුන් කණ්ඩායම් තුනකට බෙදා කරන ලද අධ්‍යයනයකින් මේ නීතිය පැහැදිලි කිරීමක් මේ පොතේ සඳහන් වෙනවා.
පළමු කණ්ඩායම: ගුරුවරයා කියා දෙන දේ එලෙසම පුහුණු වන සිසුන්.
දෙවන කණ්ඩායම: සාමාන්‍ය මට්ටමේ දක්ෂතා ඇති සිසුන්.
තෙවන කණ්ඩායම: ලෝක මට්ටමේ දක්ෂතා ඇති සිසුන්.
මෙම අධ්‍යයනයේ අරමුණ වුණේ තුන්වන කණ්ඩායම ලෝක මට්ටමේ දක්ෂතා කරා ළඟා වූයේ කෙසේද යන්න සොයා බැලීමයි. ඔවුන්ට මුදල් තිබුණා ද, හොඳ උපකරණ තිබුණා ද, නැතහොත් සහජ දක්ෂතා තිබුණා ද කියා සොයාබැලීමට අධ්‍යයනය සිදු කළ කණ්ඩායමට අවශ්‍යව තිබුණා. මෙම අධ්‍යයනයේදී මෙම කණ්ඩායම් තුන පුහුණු වූ ආකාරය සම්බන්ධයෙන් කරුණු හෙළි වුණා.
පළමු කණ්ඩායම පැය 4,000ක් පුහුණු වී තිබුණා.
දෙවන කණ්ඩායම පැය 8,000ක් පුහුණු වී තිබුණා.
තුන්වන කණ්ඩායම පැය 10,000ක් පුහුණු වී තිබුණා.
පැය 10,000ක් පුහුණු වී ලෝක මට්ටමේ දක්ෂතා නොලැබූ අය හෝ සහජ දක්ෂතා තිබී පැය 4,000ක් පමණක් පුහුණු වී ලෝක මට්ටමට පැමිණි අය මෙම කණ්ඩායම් අතර සිටියේ නැහැ. මෙම පරීක්ෂණය වයලින් වාදනයට පමණක් නොව චෙස් ක්‍රීඩකයන්ට, වෙනත් ක්‍රීඩාවන් හි නිරත ක්‍රීඩක ක්‍රීඩිකාවන්ට සහ අනෙකුත් ඉහළ දක්ෂතා දක්වන ක්ෂේත්‍රවල පුද්ගලයන්ට ද අදාළ කරනු ලැබුවා. ඒ හැම තැනකම එකම රටාව දකින්න ලැබුණා. ඒ තමයි ඔවුන් පැය
අපි දකිනවා ව්‍යාපාරිකයන් දෙදෙනෙකුගෙන් එක් අයෙකු පමණක් කෝටිපතියෙකු වන අයුරු, ක්‍රිකට් ක්‍රීඩකයන් දෙදෙනෙකුගෙන් එක් අයෙකු පමණක් ඉහළම දක්ෂතා දක්වන ක්‍රීඩකයෙකු වන අයුරු, විශ්වවිද්‍යාල සිසුන් කිහිප දෙනෙකුගෙන් එක් අයෙකු පමණක් ලෝකයේම අවධානය දිනාගන්නට සමත් වෙන අයුරු වගේ දේවල්. එතකොට අනෙක් අයට නොලැබුණු මේ සාර්ථකත්වය කිහිප දෙනෙකුට පමණක් ලැබෙන්නේ කොහොමද?
මෙවැනි ඉහළ දක්ෂතා දක්වන පුද්ගලයන්ගේ සාර්ථකත්වයට කරුණු දෙකක් බලපානවා.
- ඇසට පෙනෙන දේවල්: මෙයින් අදහස් වන්නේ සාර්ථක වුණ පුද්ගලයන්ගේ පවුල්වල අයට මුදල් තිබුණා, ඒක ඔවුන්ගේ සාර්ථකත්වයට හේතු වුණා වැනි පිටතට පෙනෙන්න තිබෙන දේවල්.
- ඇසට නොපෙනෙන දේවල්: අප නොදන්නා සාධක පිළිබඳවයි මෙයින් අදහස් වන්නේ.
බොහෝ විට සාර්ථක වූ පුද්ගලයන්ගේ අපට නොපෙනන බාහිර සාධක සම්බන්ධයෙන් අපි දැනුවත් නැහැ. Malcolm Gladwell ලියූ Outliers නම් පොතෙ හි පුද්ගල සාර්ථකත්වයට බලපාන බාහිර සාධක පිළිබඳව සඳහන් වෙනවා. අපි දැන් බලමු මේ පොතේ සඳහන් වන බාහිර සාධක මොනවාද කියලා.
පැය 10,000 නීතිය
පාසලක වයලින් වාදනය කරන සිසුන් කණ්ඩායම් තුනකට බෙදා කරන ලද අධ්‍යයනයකින් මේ නීතිය පැහැදිලි කිරීමක් මේ පොතේ සඳහන් වෙනවා.
පළමු කණ්ඩායම: ගුරුවරයා කියා දෙන දේ එලෙසම පුහුණු වන සිසුන්.
දෙවන කණ්ඩායම: සාමාන්‍ය මට්ටමේ දක්ෂතා ඇති සිසුන්.
තෙවන කණ්ඩායම: ලෝක මට්ටමේ දක්ෂතා ඇති සිසුන්.
මෙම අධ්‍යයනයේ අරමුණ වුණේ තුන්වන කණ්ඩායම ලෝක මට්ටමේ දක්ෂතා කරා ළඟා වූයේ කෙසේද යන්න සොයා බැලීමයි. ඔවුන්ට මුදල් තිබුණා ද, හොඳ උපකරණ තිබුණා ද, නැතහොත් සහජ දක්ෂතා තිබුණා ද කියා සොයාබැලීමට අධ්‍යයනය සිදු කළ කණ්ඩායමට අවශ්‍යව තිබුණා. මෙම අධ්‍යයනයේදී මෙම කණ්ඩායම් තුන පුහුණු වූ ආකාරය සම්බන්ධයෙන් කරුණු හෙළි වුණා.
පළමු කණ්ඩායම පැය 4,000ක් පුහුණු වී තිබුණා.
දෙවන කණ්ඩායම පැය 8,000ක් පුහුණු වී තිබුණා.
තුන්වන කණ්ඩායම පැය 10,000ක් පුහුණු වී තිබුණා.
පැය 10,000ක් පුහුණු වී ලෝක මට්ටමේ දක්ෂතා නොලැබූ අය හෝ සහජ දක්ෂතා තිබී පැය 4,000ක් පමණක් පුහුණු වී ලෝක මට්ටමට පැමිණි අය මෙම කණ්ඩායම් අතර සිටියේ නැහැ. මෙම පරීක්ෂණය වයලින් වාදනයට පමණක් නොව චෙස් ක්‍රීඩකයන්ට, වෙනත් ක්‍රීඩාවන් හි නිරත ක්‍රීඩක ක්‍රීඩිකාවන්ට සහ අනෙකුත් ඉහළ දක්ෂතා දක්වන ක්ෂේත්‍රවල පුද්ගලයන්ට ද අදාළ කරනු ලැබුවා. ඒ හැම තැනකම එකම රටාව දකින්න ලැබුණා. ඒ තමයි ඔවුන් පැය 10,000ක් තම පුහුණුවීම් කටයුතු සිදු කර තිබීම.
ඔයාගේ සාර්ථකත්වය කරා ළඟා වෙන්න අවශ්‍ය නම් මේ පැය 10,000 නීතිය අනුගමනය කරන්න.
ගැඹුරු ස්ථරයට අවධානය යොමු කරන්න
ව්‍යාපාරවලදී හෝ පෞද්ගලික වර්ධනයේදී (personal growth) ඔයා අනුගමනය කරන පුද්ගලයන්ව (role models) පිටතින් පමණක් විනිශ්චය කර අනුගමනය කිරීම නොකළ යුතුයි. ළූණු ගෙඩියක් ගත්තොත් පිටතින් එය අපිරිසිදු ලෙස පෙනුණත්, පොතු ඉවත් කරන විට ඇතුළත අපිරිසිදු නැහැ කියන එක ඔයා දැකලා ඇති.
ඒ හා සමානව සාර්ථක පුද්ගලයන්ගේ ජීවිතයේ පිටතින් පෙනෙන දේට වඩා, ඔවුන්ගේ ජීවිතයේ ගැඹුරු ස්ථරයට (deeper layer) අවධානය යොමු කළොත් ඇත්ත මොකක්ද කියන එක ඔයාට අවබෝධ වේවි. ඔයාට ඔවුන් මෙන් වීමට අවශ්‍ය නම් ඒ සඳහා යා යුතු සැබෑම මාර්ගය දැකගත හැක්කේ එම ගැඹුරු ස්ථරය අධ්‍යයනය කිරීමෙන් පමණයිඋ.
පැය 10,000ක් පුහුණු වූ ලෝක මට්ටමේ දක්ෂතා දක්වන අය, ඔවුන් අනුගමනය කරන පුද්ගලයාගේ පිටතින් පෙනෙන දේ නොව, ඔවුන්ව ගැඹුරින් අධ්‍යයනය කර තමන්ගේ පුහුණුව සඳහා එම දේවල් ද යොදාගෙන තිබෙනවා.
ඔයාට Role Model කෙනෙක් ඉන්නවා නම් ඔවුන්ගේ පිටතින් දකින ස්වභාවය පමණක් සලකා බලා විනිශ්චය කිරීම් නොකළ යුතුයි. ඔවුන් ගැන ලියවුණ පොත්, ඔවුන් සහභාගී වන සම්මුඛ පරීක්ෂණ ආදියත් අධ්‍යයනය කරන්න. එවිට ඔයාට වඩාත් ගැඹුරින් ඔවුන් ගැන අධ්‍යයනය කරගත හැකියි.
ඔබ පැමිණෙන්නේ කොහෙන්ද?
Warren Buffett පවසනවා, “මම මේ වසරේ, මේ කාලයේ ඇමරිකාවේ ඉපදුනේ නැත්නම් සමහරවිට මට මේ ලැබිච්ච සාර්ථකත්වය නොලැබෙන්න ඉඩ තිබුණා” කියා. පුද්ගල සාර්ථකත්වයට ඔහු/ ඇය පැමිණෙන්නේ කොහෙන්ද යන්න ඉතා වැදගත් බව මේ පොතේ සඳහන් වෙනවා.
J.K. Rowlingට ඇයගේ පවුල් පරිසරය සහ ඇයට දැනුන හුදකලාව ඇගේ අතිවිශිෂ්ට නිර්මාණයක් වූ Harry Potter එළිදැක්වීමට බලපෑවා.
ලංකාවේ අවුරුදු 19දී පාසලෙන් පිටවන සිසුවෙකු සහ වෙනත් රටක අවුරුදු 16දී අර්ධකාලීන රැකියා (part-time jobs) කරමින් ස්වයං ආදායම් උපයන දරුවෙකු අතර විශාල මානසිකත්ව වෙනසක් තිබෙනවා. එහෙත් වෙනත් රටවල අය අවුරුදු 25 වන විට ආර්ථික වශයෙන් ස්ථාවර වන විට ලංකාවේ තරුණ තරුණියන් උපාධියක් ලබාගෙන රැකියාවක් ආරම්භ කරන්නේ ඒ වයසේදියි. මේ අනුව ඔයාගේ වටපිටාව සහ පවුල් පරිසරය ඔයාගේ සාර්ථකත්වයට බලපානවා.
හැකියාවට සීමාවක් තිබෙනවා
ඔයාගේ හැකියාවෙන් (skill) යම් සීමාවක් දක්වා ඔයාට ඉදිරියට යා හැකියි. නමුත් එම සීමාවෙන් එහාට යාමට හැකියාව පමණක් ප්‍රමාණවත් වන්නේ නැහැ. ජීවිතයේ එක් තැනක් එනවා ඔයාගේ හැකියාව පමණක් ප්‍රමාණවත් නොවන.
ක්‍රීඩාවකදී ඉදිරියට යාමට ජානවල යම් බලපෑමක් තිබුණත්, ලෝක මට්ටමේ ක්‍රීඩකයෙකු වීමට එය පමණක් මදි. සමහර ක්‍රීඩා තිබෙනවා පුද්ගලයෙකුගේ උස එම ක්‍රීඩාවට අත්‍යවශ්‍ය වෙන ක්‍රීඩා. නමුත් එම උසින් යා හැකි දුරක් තිබෙනවා. ලෝක කුසලාන අවසන් තරඟයකදී එවන් පුද්ගලයෙක් මීට පෙර සියලුම තරග දිනා තිබුණත්, අවසන් තරගයේ පීඩනය හසුරුවා ගැනීමට හැකියාව පමණක් මදි.
“ඔබව ඊළඟ මට්ටමට ගෙන යන්නේ ඔබේ හැකියාව නොව, ඔබට කොතරම් විශිෂ්ට වීමට අවශ්‍ය ද යන කාරණයයි.”
ඔයාට යම් දෙයක් සම්බන්ධයෙන් හැකියාවක් තියෙන්න පුළුවන්. නමුත් ඔයාට ඒ හැකියාවෙන් විශිෂ්ටත්වයට පත්වීම ගැන පැහැදිලි අදහසක්, උනන්දුවක්, කැපවීමක්, දැක්මක් නොමැති නම් ඔයාගේ සාර්ථකත්වය සීමා වෙනවා.
එක් දෙයකට අවධානය යොමු කරන්න
ලෝක මට්ටමේ දක්ෂතා දක්වන ක්‍රීඩකයන් ජීවිතය අවුල් කරගෙන දේවල් දහසක් කළ අය නොවේ. ඔවුන්ගේ සාර්ථකත්වයට බලපෑ ඇසට නොපෙනෙන සාධකයක් වූයේ එක් දෙයකට පමණක් අවධානය යොමු කිරීමයි (focus on one thing).
ධාවන ශූරයෙක්, පිහිනුම් ශූරයෙක්, ලෝක ප්‍රකට විද්‍යාඥයෙක්, විශිෂ්ට ගායකයෙක්, අතිදක්ෂ ව්‍යාපාරිකයෙක් වගේ ඕනෑම ක්ෂේත්‍රයක සාර්ථක පුද්ගලයෙක් සම්බන්ධයෙන් සලකා බැලුවොත් ඔවුන් එක් දෙයකට පමණක් අවධානය යොමු කරමින් ඉදිරියට ගිය අය බව හඳුනාගන්න පුළුවන්.
අපි මේකට කියනවා laser focus එකකින් වැඩ කරනවා කියලා. ඔයාගේ සාර්ථකත්වය ප්‍රමාදයි කියලා හිතෙනවා නම් ටිකක් හිතලා බලන්න ඔයා දේවල් කිහිපයක් එකවර කරන පුද්ගලයෙක් ද කියන එක පිළිබඳව. ඔයා එක දෙයකට අවධානය යොමු කරලා කටයුතු කළොත් ඔයාගේ සාර්ථකත්වයේ වෙනස ඔයාටම දැනෙන්න පටන් ගනීවි.
මේ කරුණු එක්ක ඔයාට අවබෝධයක් ලැබෙන්න ඇති ඇයි ලෝකෙ ඉන්න කිහිප දෙනෙක් විතරක් සාර්ථකත්වය කරා යන්නේ කියලා. ඔයාට ඔයාගේ පුරුදු වෙනස් කිරීමෙන් මෙතෙක් කලක් ළඟා කරගන්න බැරි වුණ සාර්ථකත්වය කරා ගමන් කරන්න හැකියාව තියෙනවා.
පුරුදු හැඩගස්වා ගැනීම ගැන ඔයාට විශිෂ්ට දැනුමක් ලබා ගැනීමට පහළ Link එකට ගොස් Free Chapters නැරඹිය හැකියි.
https://school.lokubusiness.lk/p/atomic-habits?affcode=1420258_ghpjvsre
July 21, 2025
