මතකයේ රැඳෙන Brands හදන Street Marketing

මිනිස්සු ගැවසෙන පාරක තියෙන තියෙන දේවල් නිර්මාණශීලී වෙනස්ම විදියෙ දෙයක් විදියට භාවිත කරලා ඔයාගේ Brand එක මිනිස්සුන්ට අමතක නොවෙන විදියට මාකට් කරන්න පුළුවන් ක්‍රමයක් තමයි Street Marketing කියන්නේ. මේක TV ads, billboards වගේ අධික වියදම් වැඩක් නෙමෙයි. වැඩි වියදමක් නැතුව කරන්න පුළුවන් දෙයක්. අඩු වියදමකින් කරන්න හැකියාව තියෙනවා වුණත් මේක ඉතාම ඵලදායී Marketing strategy එකක්.

අපි මුලින්ම බලමු Street Marketingවල වාසි මොනවද කියන එක. ඉන්පස්සේ ලෝකයේ ජනප්‍රිය Brands විසින් කරලා තියෙන Street Marketing සම්බන්ධ උදාහරණ මොනවද කියන එකත්, ඔයාගේ Brand එක පාරිභෝගිකයන් අතරට ගෙනයන්න Street Marketing යොදාගන්නවා නම් මොනවද සැලකිලිමත් වෙන්න ඕන කාරණා කියන එකත් සලකා බලමු.

Street Marketing සිදු කිරීමේ වාසි

1. Low Cost – TV Ads, Radio Campaigns, Billboards, Mega Commercials වගේ දේවල්වලට වැය කරන තරම් මුදලක් Street Marketing සඳහා වැය කරන්න අවශ්‍ය නැහැ. 

2. Buzz Effect – ඔයා කරන Street Marketing Campaign එක නිර්මාණශීලී දෙයක් නිසා මිනිස්සු ඒ ගැන කතා කරන්න ගන්නවා. “ඔයාලා දැක්ක ද හන්දියේ තිබුණ ලොකු කෝපි කෝප්පේ. මාර Creative” මේ විදියට මිනිස්සු එයා දැක්ක දේ ඔෆිස් එකේ අය, ගෙදර අය, යාළුවො එක්ක කතා කරනවා. එතකොට නිකන්ම ඔයාගේ Brand එක මිනිස්සුන්ගේ හිතට යනවා.

3. Recall Effect – ඔයා කරන නිර්මාණශීලී වැඩේ පාරිභෝගිකයාගේ මතකයේ රැඳෙනවා. Creative වෙනසක් වගේම Out of the box වැඩක් නිසා ඒක ලේසියෙන් මිනිස්සුන්ගේ මතකයෙන් ඈත් වෙන්නේ නැහැ.

4. Unavoidable – Street Marketing කරන්නේ පාරේ තියෙන සම්පත් භාවිත කරලානේ. ඒ නිසා පාරේ යනකොට කාටවත් ලේසියෙන් Street Marketing Campaign එකක් මගහරින්න බෑ. රූපවාහිනියේ දැන්වීමක් දැම්මොත් ඒක Channel එක මාරු කළොත් දකින්න වෙන්නෙ නැහැ. ඒත් පාරේ යනකොට තියෙන දෙයක් මිනිස්සුන්ට මගහැරලා යන්න බැහැ ඒ දිහා බලනවා.
   
5. Word of Mouth – Street Marketing Campaignsවල තියෙන නිර්මාණශීලී බව නිසාම මිනිස්සු මේක කතා වෙන්න ගන්නවා. එතකොට ඒ ගැන කටින් කට යන නිසා ඔයාගේ Brand එකට හොඳ Awareness එකක් නිර්මාණය වෙනවා. ඒ විතරක් නෙමෙයි මේ වගේ වෙනස් දේවල් දැක්කම මිනිස්සු Social Mediaවල පවා ඡායාරූප, වීඩියෝ Share කරගන්නවා. එතකොට ඔයාගේ Brand එක viral වෙනවා.

ලෝකයේ ජනප්‍රිය Brands, Street Marketing යොදාගත් ආකාරය ගැන උදාහරණ

KitKat

KitKat ප්‍රවර්ධනය කිරීමේ අරමුණෙන් ඒ සමාගම මිනිස්සු ගැවසෙන ස්ථානයක බංකුවක් KitKat චොකලට් එකක හැඩයට නිර්මාණය කළා. ඒ බංකුවේ කවුරු හරි පුද්ගලයෙක් වාඩි වුණොත් KitKat චොකලට් එකක් උඩ වාඩිවෙලා ඉන්නවා වගේ තමයි පේන්නේ. 

Nike

Nike සමාගම තමන්ගේ Logo එක පාර අයිනේ තියෙන බංකුවල සටහන් කළා. මිනිස්සු යන පාරක යම් Brand එකක Logo එකක් නිතර දකින්න ලැබෙනවා කියන්නේ මිනිස්සු ඒ මොකක්ද කියන එක ගැන කතා වෙනවා වගේම ඒක මිනිස්සුන්ගේ මතකයටත් ඇතුළත් වෙනවා.

McDonald’s

McDonald’s එක හරි අපූරු විදියට මහා මාර්ගය ඔවුන්ගේ Street Marketing සඳහා යොදාගත්තා. ඔවුන්ගේ නිෂ්පාදනයක් වන Fries කහ ඉරට සමාන කරලා තමයි මේ දේ කළේ. MacFries Pedestrian Crossing කියලා නම් කරලා තිබුණ මේ Campaign එකේදි ඔවුන් කළේ French Fries තියෙන Box එක පාරේ කහ ඉර ළඟින්ම ඇන්දා. එතකොට කහ ඉරි ටික පේන්නේ ඒ Box එකෙන් උඩට පේන්න තියෙන Fries විදියට. 

Oral-B

Oral-B කියන Toothpaste Brand එක පාරේ ඉරි තැළිලා තියෙන තැන්වල දතක රූපයක් ඇන්දා. එතකොට ඒ දත බැලු බැලමට පේන්නේ පිරිසිදුකමක් නැති දතක් විදියට. කිසිම පිරිසිදුකමක් නැති දතක් කියලා පෙන්නන්න ඒක ඇඳලා ඔවුන්ගේ Brand එක ඒ හරහා මිනිස්සුන්ගේ මනසට ඇතුළු කළා. දත් මදින්න, දත් කැක්කුමක් ආවම Oral-B පාවිච්චි කරන්න ඕන කියන එක කටින් කියනවට වඩා මේ විදිහට කියන එකෙන් මිනිස්සුන්ට ඒ Brand එක හොඳට මතක තියෙනවා.

මේ ජනප්‍රිය සන්නාම විසින් කළ Street Marketing Campaigns කීපයක්. මීට අමතරව තවත් උදාහරණ කීපයක් අපි බලමු. එතකොට ඔයාට අවබෝධ වෙයි තවත් සරලව ඔයාගේ Brand එකට වුණත් Street Marketing යොදාගන්න පුළුවන් කියන එක.

Yoga Class – පාරේ තියෙන Signboard එකක්ම පාවිච්චි කරලා යෝග ආසනයක් නිරූපණය වෙන විදියට ඒ Signboard එක හරහාම යෝගා පන්ති ගැන මිනිස්සුන්ට කියන්න භාවිත කළ Campaign එකක් තිබුණා. පාරේ යන එන ගමන් දකින Signboard එකක් මිනිස්සුන්ට මගහැරලා යන්න බැහැ. ඒ නිසා ඒ පන්තිය ගැන නොදන්න අය පවා ඒ ගැන දැනුවත් වෙනවා.

Saloon Street Marketing – ගහක කඳ මත A4 කොළයකින් සරල පින්තූරයක් අලවලා තියෙන Campaign එකක් එක්තරා Saloon එකකින් කරලා තිබුණා. ‘Need a Haircut’ කියන වචන ටික විතරක් සුදු පැහැ පසුබිමක තියෙද්දි හිසකෙස් සහිත පුද්ගලයෙක්ගේ හිස කොටස මේ A4 කොළයේ Print කරලා තිබුණා. ගහේ කඳේ පැහැයෙන්ම ඒ හිසකෙස් තිබුණ නිසා ඒක ගහේම කොටසක් වගේ දකින අයට පේන්නයි ඒ ආකාරයෙන් සකසලා තිබුණේ.

Street Marketing කිරීමේදී සැලකිලිමත් විය යුතු කාරණා

1. Word of Mouth – ඔයාගේ Brand එකට Street Marketing කරනවා නම් මිනිස්සුන්ට ඒ ගැන කතා කරන්න හිතෙන විදියට, Social Mediaවල Share කරන්න හිතෙන විදියට ඒ නිර්මාණය කරලා තියෙන්න ඕනේ. ඒ නිසා කෙනෙක්ට කතා කරන්න හිතෙන විදියේ නිර්මාණශීලී දෙයක් කරන්න.

2. Ethics – මිනිස්සු යන එන මහා මාර්ගවල Street Marketing කරන නිසා මිනිස්සුන්ට හානි නොවන, බාධා නොවන ආකාරයෙන් ඒක කරන්න ඔයා වගබලාගන්න ඕන. මිනිස්සුන්ගේ අවධානය බිඳිලා අනතුරක් සිදුවෙන්න පුළුවන් ආකාරයට Street Marketing කරන්න එපා. 

3. Creativity & Innovation – අනිත් හැම low cost strategy එකක් වගේම creativity එක සහ innovation එක මත තමයි ඔයාගේ street marketing එකේ සාර්ථකත්වය රැඳිලා පවතින්නේ. වැය කරන මුදල නෙවෙයි, නිර්මාණශීලී අලුත් අදහස්වලටයි වටිනාකමක් හිමි වෙන්නේ.
   
4. Public Spaces – Ethics එහෙම නැත්නම් ආචාරධර්ම ගැන සඳහන් කරද්දි කිව්ව දෙයක් තමයි මිනිස්සුන්ට හානි නොවන, බාධා නොවන ආකාරයෙන් Street Marketing කරන්න කියලා. එහෙම හිතලා මිනිස්සු නැති පාළුවට ගිය ප්‍රදේශවල මේක කරලා වැඩකුත් නැහැ. ඒ නිසා මිනිස්සු අමාරුවේ වැටෙන්නේ නැති තැනක් වගේම මිනිස්සු ඉන්න තැනක් තෝරගන්න සැලකිලිමත් වෙන්න.

Street Marketing කිරීමේදී නොකළ යුතු දේවල්

1. පුද්ගලයෙක්ගේ හෝ වෙනත් ආයතනයක ගරුත්වයට හානි කරන්න එපා.

මේක උදාහරණයකින්ම පැහැදිලි කරන්නම්. එක්තරා Gym එකකින් කළ Street Marketing Promotion එකකදි ඔවුන් බැරල් එකක රූපයක් දාලා ‘This is no shape for a woman’ කියලා සඳහන් කරලා තිබුණා. මේක තරමක් මහත කාන්තාවන්ට කළ අපහසයක් විදියට සැලකුණා. මේ ගැන BBC, CNNවල පවා කතාබහ වුණා. කාන්තාවක් වුණාම බැරල් එකක් වගේ ඉන්න හොඳ නැහැ කියලා ඔවුන් මේ කළ Street Marketing Campaign එක සමාජයෙන් එල්ල වුණ විරෝධතා හමුවේ ඉවත් කරගන්න ඔවුන්ට සිදු වුණා.

2. පරිසරයට හානි නොකරන්න.

ඔයා Street Marketing කරනකොට අනිවාර්යෙන්ම පරිසරය ගැන හිතන්න. පරිසරයට හානි වෙන විදියට ලොකු විනාශයක් කරලා street marketing කරලා වැඩක් වෙන්නෙ නැහැ. ඒකෙන් ඔයාගේ Brand එකට හානියක් විතරයි සිද්ධ වෙන්නේ.

3. මිනිස්සු අපහසුතාවට පත් කරන්න එපා.

මිනිස්සුන්ට traffic එකේ හිරවෙලා ඉන්න වෙන විදියට, වාහනවලට යන්න අමාරුවෙන විදියට එහෙම නැත්නම් පාර අයිනේ තියෙන බංකුවල ඉඳගන්න බැරි වෙන විදියට Street Marketing කරන්න එපා.

Street Marketing කිරීමේදී අනුගමනය කළ හැකි පියවර

ඔයාගේ Brand එකට Street Marketing කරන්න හිතනවා නම් අනුගමනය කරන්න අවශ්‍ය පියවර කීපයක් ගැනයි දැන් සඳහන් කරන්නේ. 

1. Define Your Objectives & Audience – ඔයා Street Marketing කරන්නේ මොන අරමුණක් වෙනුවෙන් ද, කවුද ඔයාගේ Target Audience එක කියන එක හරියට තීරණය කරගන්න. ඔයාගේ අරමුණ වෙන්නේ Brand එක මිනිස්සුන්ගේ මතකයේ රඳවන්න ද, කතාබහට ලක් කරන්න ද, share කරන්න ද, followersලා වැඩි කරගන්න ද කියන එක හිතලා බලන්න. ඒ වගේම ඔයාගේ Brand එක ඉලක්ක කරන්න රැකියාවක් කරන පිරිස නම් ඔවුන් ගැවසෙන ස්ථානවල තමයි Street Marketing කරන්න ඕන. ඒ නිසා ස්ථානය තෝරාගන්නත් ඔයා හරියට Audience එක කවුද කියලා තීරණය කරගෙන ඉන්න ඕන.

2. Craft Visual Message – දැක්ක ගමන් බලන්න හිතෙන, දැක්කම share කරන්න හිතෙන විදියට ආකර්ෂණීයව Street Marketing කරන්න. ඒ වෙනුවෙන් මිනිස්සුන්ට දැක්ක ගමන් හොඳ පණිවිඩයක් යන විදියට Street Marketing කරන්න අවශ්‍ය ක්‍රමය ඔයාගේ Brand එකට ගැළපෙන විදියට තෝරාගන්න.

3. Choose Strategic Location and Regulations – ඔයාගේ Brand එකට කිසිම සම්බන්ධයක් නැති තැනක Street Marketing කළොත් ඒකෙන් ඔයාට ඕන කරන ප්‍රතිඵලය ලැබෙන්නේ නැහැ. එහෙම වුණොත් ඔයා ඒ වෙනුවෙන් දරන මහන්සියෙන් කිසිම ප්‍රයෝජනයක් නැති වෙනවා. ඒ නිසා ස්ථානය තෝරාගනිද්දි සැලකිලිමත් වෙන්න. ඉන්පස්සේ ඒ ස්ථානය සම්බන්ධයෙන් තියෙන නීති රෙගුලාසි මොනවද කියන එක ගැනත් හොයලා බලන්න. සමහර ස්ථානවල රජයේ විසින් වෙළඳ ප්‍රචාරණ කටයුතු කරන්න තහනම් කරලා තියෙන්න පුළුවන්. ඒ නිසා ඒ වගේ දේවල් ගැනත් සැලකිලිමත් වෙන්න.
   
4. Train Your Team – Street Marketing කරන්නේ මහා මාර්ගවල නිසා ඒ වෙනුවෙන් සැරසිලි හෝ වෙනත් කටයුතු ඔයාගේ සේවක කණ්ඩායම් විසින් සිදු කරනවා වෙන්න පුළුවන්. එහෙම නම් ඔවුන්ව ඒ කාර්ය කරන්න පුහුණු කරන්න. පාරේ යන එන වාහන, මිනිස්සු වගේම පරිසරයට, සතුන්ට හානියක් නොවෙන්න වැඩ කරන හැටි, ගැටලුවක් ආවොත් කරන්න ඕන දේ, පාරේ යන අයගෙන් ලැබෙන ප්‍රතිචාරවලට සන්සුන්ව ප්‍රතික්‍රියා කරන ආකාරය වගේ දේවල් ගැන කණ්ඩායම දැනුවත් කරන්න.

සාර්ථකත්වය ගැන සලකා බලන්න

දැන් මේ හැමදෙයක් ගැනම හිතලා හොඳට Street Marketing කළා කියලා හිතන්න. එහෙම කරලා පාඩුවේ ඉන්න එපා. ඒකෙන් ඔයාගේ Brand එකට ලැබුණ සාර්ථකත්වය මොකක්ද කියන එක හොයලා බලන්න. website traffic වැඩි වෙනවා ද, social media followersලා වැඩි ද, මිනිස්සු ඔයාගේ Brand එක ගැන අහලා කතා කරනව ද, Salesවලට මොන වගේ බලපෑමක් වෙලා ද, මේ වගේ දේවල් ගැන අවධානය යොමු කරලා ඔයාගේ Street Marketing Campaign එකේ සාර්ථකත්වය මැනලා බලන්න.

මේ විදියට ඔයාගේ Brand එකටත් Street Marketing Campaign එකක් අඩු වියදමකින් කරලා බලන්න ඔයාට පුළුවන්. මතක තියාගන්න නිර්මාණශීලීත්වය මෙතැනදි වැදගත්. ඒ වගේම කාටවත් හානියක් නොවෙන්න වැඩ කරන්නත් මතක තියාගන්න.

Street Marketing කියන්නේ Brand එකක් මිනිස්සු අතරට ගෙනියන්න පුළුවන් එක ක්‍රමයක් විතරයි. ඊට අමතරව දැනුමක් ඔයාගේ Brand එක මිනිස්සු අතරට ගෙනියන්න ලබාගන්න පහළ තියෙන Link එක Click කරන්න.

https://school.lokubusiness.lk/p/brand-management1?affcode=1420258_ghpjvsre

Author: Priyasha