ඔයා ඇතුළු මේ ලෝකේ ජීවත් වෙන ඕනම කෙනෙක් කැමතියි තමන්ගේ ජීවිතය Stress එකක් නැතුව පෞද්ගලික නිදහස (Personal Freedom) භුක්ති විඳිමින් ගත කරන්න. පීඩාකාරී දවස් ජීවිතයේ තිබුණත් නිතරම ජීවිතය ගෙවෙන්නේ පීඩාකාරී දේවල් එක්ක නම් ඔයා ජීවත් වෙන්න ඕන නිසා ලෝකයට පේන්න හිනාවෙලා ජීවත් වෙනවා හැරෙන්න නිදහසේ ජීවත් වෙන්නේ නැහැ නේද?
සමහර පුද්ගලයෝ ජීවිතේ Stress කරගන්නෙ ත්‍යමන්ගේම සිතුවිලි නිසා. “මම මේක කළොත් ගෙදර අය මොනවා හිතයි ද, ඔෆිස් එකේ අය හිනා වෙයි ද, නෑදෑයෝ මොනවා කියයි ද,” මේ වගේ දේවල් ගැන වගේම තවමත් ආවේ නැති අනාගතය ගැන පවා අනවශ්‍ය විදියට හිතලා ආතතියට පත් වෙන පුද්ගලයෝ ඉන්නවා.
මේ කිසිම දෙයක් පෞද්ගලිකව ගන්නේ නැතුව නිදහසේ ජීවත් වෙන්න ඔයා මොකද කරන්න ඕන කියන එක ගැන, මෙක්සිකානු ලේඛකයෙක් වන Don Miguel Ruiz විසින් පොතක් ලියලා තියෙනවා. The Four Agreements කියන මේ පොත අපිට පැහැදිලි කරනවා අපේ ජීවිතයේ පෞද්ගලික නිදහස අපිට අවශ්‍ය නම් අපි එකඟ වෙන්න ඕන Agreements හතරක් ගැන. ඔයා ඒ එකඟතා හතරට අනුව ජීවත් වෙනවා නම් ඔයාගේ ජීවිතේ මෙච්චර කාලයක් තිබුණ ආතතිය, පීඩාකාරි බව නැති කරගෙන ඔයාට නිදහසේ ජීවත් වෙන්න පුළුවන්.
දැන් අපි බලමු මොනවද ඒ Agreements 04 කියලා සහ ඒක ප්‍රායෝගිකව ඔයාගේ ජීවිතයට එකතු කරගන්නේ කොහොමද කියලා.
ඔයා දවසකට වචන කොච්චර කතා කරනවා ද. ඔයා නිකමට හරි හිතලා තියෙනවා ද මේ කතා කරන වචනවලට ඔයාගේ ජීවිතේ තීරණය කරන්න පුළුවන් කියලා?
ඔයා දැකලා තියෙනවා ද සමහර පුද්ගලයෝ ඉන්නවා හැමදේකම සෘණාත්මක පැත්තක් විතරයි ඔවුන් දකින්නේ. ඒ වගේම වැඩක් කරන්න ගියොත් ඒ ගැනත් කියන්නේ “මේක නම් කරන්න බෑ, මේක හරි අමාරු වැඩක්, කොහොමද මේවා කරන්නේ,” වගේ දේවල් විතරයි. එහෙම නැත්නම් “ඕවා කරලා කාට ද හරි ගියේ, සල්ලිවලටම නෙමෙයි ජීවිතේ කියන්නේ, ඔය වගේ දේවල් අපිට ගැළපෙන්නේ නෑ,” වගේ දේවල් ඔවුන් නිතර කියනවා.
ඔයා හිතන්න, මේ වගේ දේවල් නිතර කියන පුද්ගලයෝ ඉන්න තැනක ඔයා රැකියාව කරනවා කියලා. ඔයාට නිතරම ඇහෙන්නේ මේ වගේ සෘණාත්මක දේවල්. ඒකත් ඔයාට පීඩනයක් වෙනවා වගේම නොදැනිම ඔයත් ඒ විදියට හිතන්න පටන් ගන්නවා. ඉන්පස්සේ ඔයා හැමදෙයක්ම දකින්නෙත් ‘නෑ, බෑ’ කියන කෝණයෙන්. එතකොට ඔයාගේ ජීවිතේ නිකන්ම පීඩාකාරී ජීවිතයක් බවට පත් වෙනවා.
මේ පොතේ එක උදාහරණයක් තියෙනවා වචන භාවිතය ගැන කල්පනාකාරී වෙන්න ඕන ඇයි කියන එක ගැන. හිතන්න ඔයා සහ ඔයාගේ යාළුවෙක් හෝ කීප දෙනෙක් සතිඅන්තයේ එළියට යන්න සැලසුම් කරන් ඉන්නවා කියලා. අවසාන මොහොතේ ඔයාගේ යාළුවා කියනවා එයාට හදිසි වැඩක් නිසා එන්න වෙන්නේ නැහැ කියලා. හිතන්න හෙට තමයි ඔයාලා එළියට යන්න හිටියේ කියලා.
මේ වගේ අවස්ථාවක එකවරම බලාපොරොත්තු බිඳ වැටීමක් වුණාම ඒකට ඕන කෙනෙක්ට තරහ යන්න, දුක හිතෙන්න පුළුවන්. “අයියෝ මොකක්ද? ඔයා හැම තිස්සෙම මොකක් හරි දෙයක් කියලා අන්තිම මොහොතේ plan එක cancel කරනවා. මම ආයේ නම් මම කොහෙවත් යන්න එන්නේ නෑ,” ඔයා මේ විදියේ ප්‍රතිචාරයක් යාළුවාට දැක්වුවොත් මොකද වෙන්නේ? ඔයාලාගේ යාළුකමට පවා හානියක් වෙනවා.
ඒත් මෙහෙම හිතන්න, “අයියෝ අපරාදේ. මම මේ දවස වෙනකන් ගොඩාක් බලාගෙන හිටියේ. කමක් නෑ. ඔයාට හදිසි වැදගත් වැඩක් ආපු නිසානේ. අපි වෙන දවසක එළියට යමුකෝ,” කියලා ඔයා යාළුවාට ප්‍රතිචාර දැක්වුවා කියලා. මේ වගේ ප්‍රතිචාරයකදි යාළුවාව ඔයා විසින් තේරුම් ගත්තා කියන එක ඔහුට/ ඇයට දැනෙනවා. ඒ වගේම ඔයාලාගේ මිත්‍රත්වයට කිසි හානියක් වෙන්නෙ නැහැ. මොකද ඔයා යාළුවාගේ හිත රිද්දුවේ නැහැ වචනවලින්.
තව උදාහරණයක් බලමු. ඔයා විභාගයක් ලියලා ඒකෙන් අසමත්වෙලා ඉන්නේ කියලා හිතන්න. විභාග ප්‍රතිඵල දැනගත්තට පස්සේ ඔයා ඔයාටම කියාගන්නවා “මම නම් මහ මෝඩයෙක්, මට තව ලකුණු ටිකක් ගන්න බැරි වුණානේ, මේක හරියන්නේ නෑ,” වගේ දේවල්. මේ විදියට ඔයා ඔයා එක්කම සෘණාත්මක කතාබහක යෙදුණම ඔයාට අනවශ්‍ය පීඩනයක් ඒකෙන් ඇති වෙනවා. ඔයා වැඩක් නැති වෙලාවටත් හිතන්නේ ඔයාට විභාගයක්වත් හරියට කරගන්න බෑ කියලා. නිදාගන්න ගියත් ඔයාගේ හිතට එන්නේ ඒ සිතුවිලි. මේ වචන ඔයාට ලොකු හානියක් කරනවා.
ඔයා ඇතුළු මේ ලෝකේ ජීවත් වෙන ඕනම කෙනෙක් කැමතියි තමන්ගේ ජීවිතය Stress එකක් නැතුව පෞද්ගලික නිදහස (Personal Freedom) භුක්ති විඳිමින් ගත කරන්න. පීඩාකාරී දවස් ජීවිතයේ තිබුණත් නිතරම ජීවිතය ගෙවෙන්නේ පීඩාකාරී දේවල් එක්ක නම් ඔයා ජීවත් වෙන්න ඕන නිසා ලෝකයට පේන්න හිනාවෙලා ජීවත් වෙනවා හැරෙන්න නිදහසේ ජීවත් වෙන්නේ නැහැ නේද?
සමහර පුද්ගලයෝ ජීවිතේ Stress කරගන්නෙ ත්‍යමන්ගේම සිතුවිලි නිසා. “මම මේක කළොත් ගෙදර අය මොනවා හිතයි ද, ඔෆිස් එකේ අය හිනා වෙයි ද, නෑදෑයෝ මොනවා කියයි ද,” මේ වගේ දේවල් ගැන වගේම තවමත් ආවේ නැති අනාගතය ගැන පවා අනවශ්‍ය විදියට හිතලා ආතතියට පත් වෙන පුද්ගලයෝ ඉන්නවා.
මේ කිසිම දෙයක් පෞද්ගලිකව ගන්නේ නැතුව නිදහසේ ජීවත් වෙන්න ඔයා මොකද කරන්න ඕන කියන එක ගැන, මෙක්සිකානු ලේඛකයෙක් වන Don Miguel Ruiz විසින් පොතක් ලියලා තියෙනවා. The Four Agreements කියන මේ පොත අපිට පැහැදිලි කරනවා අපේ ජීවිතයේ පෞද්ගලික නිදහස අපිට අවශ්‍ය නම් අපි එකඟ වෙන්න ඕන Agreements හතරක් ගැන. ඔයා ඒ එකඟතා හතරට අනුව ජීවත් වෙනවා නම් ඔයාගේ ජීවිතේ මෙච්චර කාලයක් තිබුණ ආතතිය, පීඩාකාරි බව නැති කරගෙන ඔයාට නිදහසේ ජීවත් වෙන්න පුළුවන්.
දැන් අපි බලමු මොනවද ඒ Agreements 04 කියලා සහ ඒක ප්‍රායෝගිකව ඔයාගේ ජීවිතයට එකතු කරගන්නේ කොහොමද කියලා.
01. ඔබේ වචන ගැන කල්පනාකාරී වන්න (Be Impeccable with Your Word)
ඔයා දවසකට වචන කොච්චර කතා කරනවා ද. ඔයා නිකමට හරි හිතලා තියෙනවා ද මේ කතා කරන වචනවලට ඔයාගේ ජීවිතේ තීරණය කරන්න පුළුවන් කියලා?
ඔයා දැකලා තියෙනවා ද සමහර පුද්ගලයෝ ඉන්නවා හැමදේකම සෘණාත්මක පැත්තක් විතරයි ඔවුන් දකින්නේ. ඒ වගේම වැඩක් කරන්න ගියොත් ඒ ගැනත් කියන්නේ “මේක නම් කරන්න බෑ, මේක හරි අමාරු වැඩක්, කොහොමද මේවා කරන්නේ,” වගේ දේවල් විතරයි. එහෙම නැත්නම් “ඕවා කරලා කාට ද හරි ගියේ, සල්ලිවලටම නෙමෙයි ජීවිතේ කියන්නේ, ඔය වගේ දේවල් අපිට ගැළපෙන්නේ නෑ,” වගේ දේවල් ඔවුන් නිතර කියනවා.
ඔයා හිතන්න, මේ වගේ දේවල් නිතර කියන පුද්ගලයෝ ඉන්න තැනක ඔයා රැකියාව කරනවා කියලා. ඔයාට නිතරම ඇහෙන්නේ මේ වගේ සෘණාත්මක දේවල්. ඒකත් ඔයාට පීඩනයක් වෙනවා වගේම නොදැනිම ඔයත් ඒ විදියට හිතන්න පටන් ගන්නවා. ඉන්පස්සේ ඔයා හැමදෙයක්ම දකින්නෙත් ‘නෑ, බෑ’ කියන කෝණයෙන්. එතකොට ඔයාගේ ජීවිතේ නිකන්ම පීඩාකාරී ජීවිතයක් බවට පත් වෙනවා.
මේ පොතේ එක උදාහරණයක් තියෙනවා වචන භාවිතය ගැන කල්පනාකාරී වෙන්න ඕන ඇයි කියන එක ගැන. හිතන්න ඔයා සහ ඔයාගේ යාළුවෙක් හෝ කීප දෙනෙක් සතිඅන්තයේ එළියට යන්න සැලසුම් කරන් ඉන්නවා කියලා. අවසාන මොහොතේ ඔයාගේ යාළුවා කියනවා එයාට හදිසි වැඩක් නිසා එන්න වෙන්නේ නැහැ කියලා. හිතන්න හෙට තමයි ඔයාලා එළියට යන්න හිටියේ කියලා.
මේ වගේ අවස්ථාවක එකවරම බලාපොරොත්තු බිඳ වැටීමක් වුණාම ඒකට ඕන කෙනෙක්ට තරහ යන්න, දුක හිතෙන්න පුළුවන්. “අයියෝ මොකක්ද? ඔයා හැම තිස්සෙම මොකක් හරි දෙයක් කියලා අන්තිම මොහොතේ plan එක cancel කරනවා. මම ආයේ නම් මම කොහෙවත් යන්න එන්නේ නෑ,” ඔයා මේ විදියේ ප්‍රතිචාරයක් යාළුවාට දැක්වුවොත් මොකද වෙන්නේ? ඔයාලාගේ යාළුකමට පවා හානියක් වෙනවා.
ඒත් මෙහෙම හිතන්න, “අයියෝ අපරාදේ. මම මේ දවස වෙනකන් ගොඩාක් බලාගෙන හිටියේ. කමක් නෑ. ඔයාට හදිසි වැදගත් වැඩක් ආපු නිසානේ. අපි වෙන දවසක එළියට යමුකෝ,” කියලා ඔයා යාළුවාට ප්‍රතිචාර දැක්වුවා කියලා. මේ වගේ ප්‍රතිචාරයකදි යාළුවාව ඔයා විසින් තේරුම් ගත්තා කියන එක ඔහුට/ ඇයට දැනෙනවා. ඒ වගේම ඔයාලාගේ මිත්‍රත්වයට කිසි හානියක් වෙන්නෙ නැහැ. මොකද ඔයා යාළුවාගේ හිත රිද්දුවේ නැහැ වචනවලින්.
තව උදාහරණයක් බලමු. ඔයා විභාගයක් ලියලා ඒකෙන් අසමත්වෙලා ඉන්නේ කියලා හිතන්න. විභාග ප්‍රතිඵල දැනගත්තට පස්සේ ඔයා ඔයාටම කියාගන්නවා “මම නම් මහ මෝඩයෙක්, මට තව ලකුණු ටිකක් ගන්න බැරි වුණානේ, මේක හරියන්නේ නෑ,” වගේ දේවල්. මේ විදියට ඔයා ඔයා එක්කම සෘණාත්මක කතාබහක යෙදුණම ඔයාට අනවශ්‍ය පීඩනයක් ඒකෙන් ඇති වෙනවා. ඔයා වැඩක් නැති වෙලාවටත් හිතන්නේ ඔයාට විභාගයක්වත් හරියට කරගන්න බෑ කියලා. නිදාගන්න ගියත් ඔයාගේ හිතට එන්නේ ඒ සිතුවිලි. මේ වචන ඔයාට ලොකු හානියක් කරනවා.
ඒත් ඔයා විභාගේ අසමත් කියලා දැනගත්ත වෙලාවෙ “මේ පාර මට හරියට exam කරගන්න බැරි වුණා තමයි. ඒත් ඊළඟ පාර මීට වඩා හොඳට පාඩම් කරලා exam කරනවා,” කියලා හිතුවොත් ඒකෙන් ඔයාට අනවශ්‍ය පීඩනයක් හිතට එන්නේ නැහැ. ඔයාට හරිම සැහැල්ලුවෙන් ඊළඟ වතාවේ විභාගය වෙනුවෙන් සූදානම් වෙන්න හැකියාව ලැබෙනවා.
ඔයාගේ වචන ඔයාගේ හැඟීම් එක්ක බැඳිලා තියෙන්නේ. ඒ නිසා ධනාත්මක වචන පාවිච්චි කරන්න සැලකිලිමත් වෙන්න. ඔයා අනිත් මිනිස්සුත් එක්ක කතා කරන වචන විතරක් නෙමෙයි, ඔයා ඔයාත් එක්කම කතා කරන දේවල්වලදි පවා ධනාත්මක වචන, ධනාත්මක සිතුවිලිවලට ඉඩ දෙන්න.
ඔයා සෘණාත්මක වචන භාවිත කරන කෙනෙක් නම් මේ මොහොතේ ඉඳලාම මේ පළවෙනි Agreement එකට අත්සන් කරලා ඒ විදියට වචන භාවිතය වෙනස් කරලා බලන්න. ඔයාටම දැනෙයි ජීවිතේ හිතන තරම් Stressful නැහැ කියලා.
02. කිසිම දෙයක් පෞද්ගලිකව ගන්න එපා (Don’t Take Anything Personally)
ඔයා ඉගෙන ගන්න කෙනෙක්, රැකියාවක් හෝ ව්‍යාපාරයක් කරන කෙනෙක් වෙන්න පුළුවන්. එතකොට විවිධාකාරයේ පුද්ගලයෝ එක්ක වැඩ කරන්න වෙනවා. හිතන්න රැකියා ස්ථානයේදී සිදුවන යම් දෙයක් නිසා ඔයාගේ ප්‍රධානියා කියන දෙයක් ඔයා වෘත්තිය මට්ටමෙන් විතරක් නොගෙන පෞද්ගලිකව ගන්නවා කියලා. ඔයාගේ ඔළුවෙ හැමතිස්සෙම ඒක වැඩ කරන්න ගන්නවා. අනික මේ කිව්ව දේ පොදුවේ සියලුම සේවකයන්ට කියූ දෙයක් කියලා හිතන්න. ඒත් ඔයා ඒක පෞද්ගලික මට්ටමෙන් අරගන්නේ.
එහෙම නැත්නම් ඔයාගේ සමීපතමයෙක් ඔයාට උපදෙසක් දුන්නා කියලා හිතන්න. ඔහු/ ඇය ඒ උපදෙස ඔයාට දුන්නේ ඔයාගෙම හොඳට. ඒත් ඔයා ඒක තේරුම් ගන්නේ “ඇයි මට එහෙම කිව්වේ, මම ආයිත් නම් ඔය මනුස්සයා එක්ක කතාවට යන්නේ නෑ” වගේ පෞද්ගලික මට්ටමෙන්.
ඔයාට ගෙදර කවුරු හරි කෙනෙක්/ අම්මා, තාත්තා, හෝ වැඩිහිටියෙක් උපදෙසක් දුන්නොත් ඔයා හිතනවා “මට විතරයි මෙහෙම. අක්කට එහෙම නෑ. අයියට එහෙම කියන්නේ නෑ කවදාවත්. මට තමයි ඔක්කොටම එක එක ඒවා කියන්නේ” කියලා. මේකෙන් වෙන්නේ ඔයා සහ පවුලේ අය අතර බැඳීමටත් හානි වෙන එක.
සමහර පුද්ගලයෝ ඉන්නවා යමක් පෞද්ගලිකව ගැනීම නිසාම දියුණු වුණ අය. උදාහරණයකට හිතන්න, ඔයා ව්‍යාපාරයක් පටන් ගන්න ගිහින් ඒක අසාර්ථක වුණා කියලා. ඒ ගැන දන්න කෙනෙක් ඔයාට කියනවා “බැරි වැඩ කරන්න නොයා ජොබ් එකක් හොයාගත්තා නම් ඉවරනේ” වගේ කතාවක්. ඔයා මේක පෞද්ගලිකව ගන්නවා. දැන් ඔයා මහන්සි වෙන්නේ ඔයාට බෑ කිව්ව පුද්ගලයාට පෙන්නන්න ඔයාට පුළුවන් කියන එක. ඔයා රෑ දවල් නොබලා මහන්සිවෙලා කොහොම හරි සාර්ථක ව්‍යාපාරයක් ගොඩනගනවා. ඒත් ඔයා ඒ අවුරුදු ගාණම අර පුද්ගලයා කිව්ව කතාව හිතේ තියාගෙන ලොකු පීඩාවකින් මේ සාර්ථකත්වයට පැමිණෙන්නේ. ඔයා සාර්ථක වුණත් ඔයා අතිවිශාල ආතතියක් එක්කයි ඒ අවුරුදු ගාණ ගත කළේ.
ඒ විදියට විශාල බරක් එක්ක ජීවිතය ගෙවනවා වෙනුවට ඔයාගේ ඉලක්ක සාර්ථක කරගන්න එක ඔයාට සැහැල්ලුවෙන් කරන්න පුළුවන්. දෙවනි එකඟතාව විදියට මේ පොතේ සඳහන් වෙන කිසිම දෙයක් පෞද්ගලිකව නොගෙන සිටීමෙන් ඔයාට ඔයාට අනවශ්‍ය බරක් හිතේ තියාගෙන ඉන්නේ නැතුව නිදහසේ ඉන්න හැකියාව ලැබෙනවා. ඔයාට ලැබෙන උපදෙසකින් වුණත් ඔයාගේ ජීවිතයේ හදාගන්න ඕන දේවල් ගැන අවධානය යොමු කරලා ඒ දේ හදාගන්නවා හැරෙන්න පෞද්ගලිකව ඒ කිසිම දෙයක් හිතට අරන් විඳවන්න එපා.
03. අනුමානවලට එළඹෙන්න එපා (Don’t Make Assumptions)
ගොඩක් දෙනෙක් කරන ලොකුම වැරැද්දක් තමයි එක එක දේවල් ගැන අනුමානවලට එළඹෙන එක. සමහර පුද්ගලයෝ ඉන්නවා යම් වැඩක් පටන් ගන්න කලින් අනවශ්‍ය විදියට ඒ ගැන අනුමාන හදාගන්නවා. “මේක කළොත් මෙහෙම වෙයි, මෙහෙම වුණොත් නම් ප්‍රශ්නයක් වෙන්නේ,” වගේ දේවල් මුලින්ම හිතනවා. වැඩක් පටන් ගන්න කලින් අපි ඒ ගැන හිතන්න ඕන තමයි. ඒත් ඒක පදනමක් ඇතුව දත්ත ඇතුව හිතන්න ඕන දේවල් නම් එහෙම එකක් ගැන අනුමාන කර කර හිටියොත් ඔයාට කවදාවත් ඒ වැඩේ කරන්න ලැබෙන්නේ නැහැ.
ඔයා ව්‍යාපාරයක් පටන් ගන්නකොට ඒ ව්‍යාපාරය පටන් ගන්න සුදුසු ප්‍රදේශයක් තීරණය කරද්දි ඔයා හිතන්න ඕන දේවල් තියෙනවා. ඔයා විකුණන්න හිතන් ඉන්නේ පාසල් උපකරණ, පොත්පත් නම් ඔයා බලන්න ඕන ඔයාගේ ව්‍යාපාරික ස්ථානය ආරම්භ කරන ප්‍රදේශය පාසල් යන වයසෙ ළමයි ජීවත් වෙන ප්‍රදේශයක් ද, එහෙම නැත්නම් පාසලක් ආසන්නයේ තියෙනව ද වගේ කරුණු ගැන. එහෙම නැතුව “පොත් විකුණන එකෙන් ආදායමක් එයි ද, අලුත් පන්තියකට යනකොටනේ වැඩියෙන්ම පොත් විකිණෙන්නේ, ඉස්කෝලේ නිවාඩු කාලෙට sales අඩුවෙයි නේද,” වගේ දේවල් ගැන හිතුවොත් සමහර විට ඔයා වටිනා අවස්ථාවක් ඒ නිසා මගහැරගන්නවා වෙන්නත් පුළුවන්.
සමහර පුද්ගලයෝ ඉන්නවා තමන් කාට හෝ දුරකතන ඇමතුමක් අරගත්ත වෙලාවක අනිත් පාර්ශවයෙන් දුරකතනය ගත්තේ නැත්නම් ඒක ගැනත් එක එක දේවල් අනුමාන කරනවා. ආදර සම්බන්ධතාවලදි මේක බහුලවම දකින්න ලැබෙන ප්‍රශ්නයක්. අනිත් කෙනා මේ වෙලාවෙ කරන්න මොකක්ද කියලා අනුමාන කරලා තමන්ම ආතතියට පත් වෙනවා.
තවත් සමහර වෙලාවට ඔයා පාරේ යනකොට ඔයා දන්න කෙනෙක් පාරේ යනවා කියලා හිතන්නේ ඔයාව දැක්කේ නැතුව. ඔයා අනුමාන කරන්න ගන්නවා “ඇයි දන්නේ නෑ හිනාවුණේවත් නැත්තේ, අහක බලන් ගියේ මම මොකක් හරි එයාට හිත රිදෙන දෙයක්වත් කළා ද,” කියලා. මේකෙන් වෙන්නේ ඔයා Stress වෙන එක.
මේ වගේ අනුමාන ගොඩනගන එක නවත්වන්න කියලායි මේ පොත අපිට කියන්නේ. හිතින් හදාගන්න අනුමාන නිසා ඔයා අනවශ්‍ය ආතතියකින් ජීවත් වෙනවා. ඔයාට ඒක නොතේරෙනවා වෙන්න පුළුවන්. ඒත් මේ Agreement එක පිළිපැද්දොත් ඔයාට තේරෙයි අනුමාන කිරීම් කරනවා කියන්නේ ජීවිතේ මොන තරම් පීඩාවකට පත් කරන දෙයක් ද කියලා.
04. හැම විටම ඔබේ උපරිමය කරන්න (Always Do Your Best)
ඔයා හිතන්න ඔයා කරන යම් වැඩක් සම්බන්ධයෙන් ඔයා උපරිමයෙන්ම කරන්න පුළුවන් දේ කරනවා කියලා. ඒත් මේ උපරිමය කියන එක හැමදාම එක විදියට තියෙන්නේ නැහැ.
උදාහරණයක් විදියට හිතමු ඔයා ලංකාවේ ඉන්නේ හොඳම පන්දු යවන්නෙක් කියලා. ඔයාට ක්‍රිකට් තරගාවලියක් තියෙන අවස්ථාවක උණ හැදෙන්න වගේ අපහසු බවක් ශරීරයට දැනෙනවා. ඒත් ඔයාට තවම උණ හැදිලාත් නැහැ. ඔයා තරගයට ඉදිරිපත් වෙනවා. ඒත් ඔයාගේ අසනීප තත්ත්වය නිසා ඔයාගේ උපරිමය පෙන්වන්න එදා ඔයාට බැරි වෙනවා. ඒත් ඔයා ශරීරයට දැනුන අපහසුතාව නොසලකා එදා ඔයාගේ උපරිමය කරලා තියෙන්නෙ. එහෙම වෙලාවක ඔයා සෞඛ්‍යසම්පන්නව ඉන්න අවස්ථාවක උපරිමය එක්ක සසඳලා මේ දවසේ ඔයාගේ දක්ෂකම් පෙන්නන්න බැරි වුණා කියලා ආතතියට පත් වෙන එක තේරුමක් නැති දෙයක්.
ඔයාට හෙබිරිසාවක්, උගුරෙ අමාරුවක් හැදිලා ඉන්න දවසක ඔයාට ගායන තරගයකට ඉදිරිපත් වෙන්න තිබුණා කියලා හිතන්න. ඔයාට අසනීපය එක්ක හොඳින් ගායනය කරන්න අමාරුයි. ඒක ඔයා හොඳටම දන්නවා. ඒත් එදා ඔයාට තරගයේදි අඩු ලකුණු ප්‍රමාණයක් හිමි වුණත් ඔයා ඒ මොහොතේ ඔයාගේ උපරිමය කළා නම් “මට හරියට සින්දුව කියාගන්න බැරි වුණ නිසානේ මේ ඔක්කොම,” වගේ දේවල් හිතලා විඳවන එකෙන් ඔයාගේ අභ්‍යන්තර නිදහස ඔයාම නැති කරගන්නවා.
ඔයා ගෙදර ප්‍රශ්නයක් නිසා ගොඩක් දුකෙන් හෝ ආතතියක ඉන්න දවසක ඔයාගේ රැකියාවට අදාළ වැඩ කටයුතු වෙනදා තරම් කරන්න ඔයාට නොහැකි වෙන්න පුළුවන්. ඒත් ඒ එක දවසක ඔයාගේ උපරිමය අඩු වීම ලොකු දෙයක් විදියට හිතලා දුක් වුණොත් වෙන්නේ ඊළඟ දවසේ ඔයාට ප්‍රශ්නයක් නැතත් ඔයා පීඩනය ඉන්නේ. මොකද අර කරන්න බැරි වුණ දේවල් ගැන ඔයා හිතින් දුක් වෙන නිසා.
ඔයාගේ යම් අසනීපයක්, ප්‍රශ්නයක්, කාලගුණයේ වෙනසක්, වගේ විවිධ හේතු නිසා ඔයාගේ උපරිමය ලබා දෙන එක හැමදාම එකම විදියට වෙන්නේ නැහැ කියන එක අවබෝධ කරගන්න. කුමන තත්ත්වයක් යටතේ වුණත් ඔයාගේ උපරිමය කරන්න. එතකොට ඔයාට ඒ ගැන සතුටු වෙන්න පුළුවන්.
ඉතින් මේ පොතේ සඳහන් වෙන විදියට මේ Agreement හතර ඔයාගේ ජීවිතයට ප්‍රායෝගිකව ළඟා කරගන්න. ටික දවසක් යනකොට ඔයාටම ජීවිතේ ලොකු වෙනසක් දැනෙන්න ගනීවි. Stress එකේ ගෙව්ව ජීවිතේ ඇත්තටම Stress එකක් තිබිලා නැහැ නේද කියලා ඔයාට හිතේවි. ඔයාගේ අභ්‍යන්තර සාමය, පෞද්ගලික නිදහස ලබා ගන්න දැන් ඉතින් ඔයාට කරන්න තියෙන්නේ මේ Agreements හතරටම අත්සන් කරන එක.
The Four Agreements කියන මේ පොත වගේම ඔයාගේ පුරුදු වෙනස් කරගෙන සාර්ථක වෙන්න පාර කියන පොතක් තමයි James Clearගේ Atomic Habits කියන පොත. මේ කියලා දුන්න Agreements හතර ඔයාගේ ජීවිතේ පුරුදු වෙනස් කරලා නිදහස් ජීවිතයක් ඔයාට ලබා දෙනවා වගේම ඔයාගේ පුරුදු වෙනස් කරගෙන ජීවිතේ වෙනස්ම මගකට ගන්න Atomic Habits පොත ලොකු සහයෝගයක් ඔයාට දෙනවා. පහළ තියෙන Link එකට ගිහින් ඔයාට පුළුවන් Atomic Habits Video book එකේ Free Chapters බලලා ඔයාගේ දැනුම තවත් වැඩි කරගන්න.
https://school.lokubusiness.lk/p/atomic-habits?affcode=1420258_ghpjvsre
May 9, 2025
